بين عز النفس و حمـول النوايـب=و التقـيّـد بالتقالـيـد العريـقـه
وخوف لا تزعل علي بعض القرايب=صرت تارك كل شيٍ فـي طريقـه
مرغمٍ نفسي على حمـل الصعايـب=متسم بالصبر و جروحـي عميقـه
كم دفعت لرفعت السمعه ضرايـب=لجـل تـاج العـز مايفقـد بريقـه
و الا انا لو كنت ابي عوج الطلايب=ممكن اقلب خارطة مصر الشقيقـه
بس دام الكـور بظهـور النجايـب=الزمن يبعـد رفيـقٍ عـن رفيقـه
كل حاضر له نهار يصيـر غايـب=و لا يصح من العلـوم الا الحقيقـه
قد يصنّف ثامـن السبـع العجايـب=الصديق اللي حفـظ قيمـة صديقـه
فيارفيقـي خلنـا نبقـى حبـايـب=لا تقـدم لـي و اقـدم لـك وثيقـه
لو تحرّك من ورى ظهري سبايـب=حافظٍ لك علـم و الله مـا تطيقـه
مهنة التصوير لـ.. أسرار الحقايب=تعتمـد علـى الاساليـب الدقيقـه
و الجهل قتـال و الدنيـا مصايـب=عن شرار العود لا تنجـم حريقـه
و المعاني ما تطوفك و انـت شايـب=و البحر تعرف محيطه من مضيقـه
بس طعنـي لا تعـرّض للهبايـب=و انت حالك شين و ثيابـك رقيقـه
كان ما تقدر على حمـل النوايـب=اترك المخلوق كـلاً فـي طريقـه
محمد السريّع
ثـامــن الــ 7 العجـايـــب 
العرض العادي
