يا عميلي لاتحسب ان العذر عيب = العذر من الخطاء شيم رجال نبيله
ادمح الزله عن خطاك ياالحبيب = التسامح طبعي واعده اكبر فضيله
ومن غش الناس عليه من الله رقيب = النوايا السود تطبعت بمكر وحيله
احذر البخيل وممشاه ولا تعده صحيب = مايرد الوفى لو عطاياك فيه جزيله
والبشر ماهي معصومه تخطي وتصيب= والحر يبصر بدربه ولا ينشد دليله
ناس عشرته سنين والرجاء فيها يخيب = وناس تنعرف بالطيب لو عشرته قليله
والزمن كم فرق حبيب عن حبيب = والمحبه ماتجي بالهيمنه وقوة حيله
المحبه ياصاح قسمه من الله ونصيب= نفوس وربي قربها هذا خل وهذاك خليله
لو المطالب بالتمني تمنيتك يمي قريب= هذا القدر دايم اللي نبيه جيته مستحيله
واذا حاجتك عند النذل لا تحرى الطيب = عزة النفس ولا طلبة نفس(ن) ذليله
خاويت رجال الكرم راعين المواجيب= قدرهم عالي و تاج على راسي اشيله