يسالونك عن اشعاري وهل من جديد=
وين شعر الجريح اللي غرق في هواه =
يسالونك يحسبـون ان قلبـي حديـد=
لاكساه الصدا يشرف علـى منتهـاه =
قل لهم يا الحميدي جعل عمرك مديد=
ان شعري يبي له جو صافي سمـاه =
القصيـده تبـي متفرغـن للقصيـد=
تبي منهو ليامن شـال غنـوا معـاه =
تبي منهو يجي وقته علـى مايريـد=
لانوى يسهر اصطفت ربوعـه وراه =
تبي شخصن مدلل يملك اكبر رصيد=
مسفهلن وكل الناس تطلـب رضـاه =
ماتبي له موظف قيـدوه الـف قيـد=
لاسهر للقصيـده حاسبـوه امـدراه =
الموظف مثل حالي ماهـو مستفيـد=
لو تقاعـد مبكـر راتبـه مـا كفـاه =
يا الحميدي ترا فكري سجينن شريـد=
انت عاصرتنـي وتعـرف داه ودواه =
عالمن عايشينه لـه طـرازن فريـد=
من ادانوه عاشـق مايكمـل عشـاه =
الحيـارى تعذبهـم عـذارى وغيـد=
والعذارى يموت احساسهن با العبـاه =
للـذي مثلنـا مافيـه شيـن اكـيـد=
غير منهو تمنـى مايحصـل منـاه =
القصيده تبي متفرغن للقصيد 
العرض العادي
