يازمان البوح تكفى..حبني بخشمـي وروح
وش يفيدالصوت قلي دامها ألاذان صمـا
انتشي الصمت سكر ينتشي طعم الجـروح
واسمع لرعشات حلقي في خفوقي وكيف تـدما
الصمت ماكان مرسى للبداوه ولا صـروح
مير ضيعنا المروة..وارتدت لوشاح حمـى
ماتعديت المسـافه ولا تجاوزت الطمـوح
وان كبر فيني نحرته وشاب ضلعي وصـاح مما!
العجب لاجاك واحد ..يجرحك ويقـول روح
والعجب لاصار اخوك ..يهتك بعرضك ويضمى !
لعنبو ابليس الشوارب ..لعنبو جد المـزوح
وان بغينا نرد صاع ..قالو حاربنا وتمـا
العجب لاجاك واحد ...ايتبلى بغير فـوح
يطعن بظهرك نذاله وتهدي له جزئ عمـا
العرب تربط بكلمه وتلبس النخوه وضـوح
وان قصدت الرجل فيهم دقوا صدر اخوان شما
مير ما عدنا بزمان تزهر اغصانه وتفـوح
الزمن صابه شحوب وعانقه سخط المسـمى
ايه يوم اظلموني وقلت لحظه ..ابغى ابـوح
واذبحوا فيني السعاده وضيعوني بدرب اعمى
الله اعلم بالخفايا وكيف بي صبر لحـوح
لا يغرك صغر سني شايله جبال وظلـما
ولا يغرك هالتغنج..واني للعليا نطـوح
اسمع اضلوعي تآكل وانتهى لسمـعت ثم؟
ربي ما يهمل ياطاغي واسمع الهرج بوضـوح
دوي الآذان بأذني ..قد شربت الكاس سما
رافع الكفين ربي..ما يخيبني سمـــوح
وان جا يوم واسالوك قلهم ذي كف ذكرى
لعنبو ابليس الشوارب.. 
العرض العادي
