الباب لساه موارب
الساعة والعقارب
والليل الأسمر وقارب
والدم اللى فى عروقنا
ساه ياعينى هارب
أيام زى السواقى
بحلم بأرض بيضة
متكنش فى يوم شراقى
الفقر مش هاممنى
والنور ساكن فى ننى
خايف من سكه ضلمه
للديب يطع يأكلنى
مستنى الشمس تطع
للحق فى يوم وتسطع
ياقلبى مش كفاية
بعدك مين اللى يدفع
ومشيت فى السكة أعمى
محدش يستمعنا
ياقلبى حروف بتكتب
بمداد وحبر واحد
لكن بألف معنى
مكتوب الجرح لينا
يومين ويقوم كاوينا
ونخاف لو فرحة كانت
تنادى فى يوم علينا
ونهار من غير ملامح
والليل مهر البرارى
يفضل طاير وجامح
وابص فى وش ولدى
ألقاه لارنج بلدى
أجمل مافى الجناين
يكون فيه ورد بلدى
سكران من كتر همى
والناس فاكرين بغنى
وألضم ليلى فى آهاتى
الساعة والعقارب
والبوم من دمى شارب
الليل موال مايخلص
والباب لساه موارب
الباب لساه موارب 
العرض العادي
