السلام عليكم ورحمة الله وبركاته
كتبت هذه القصيدة في نهار العيد الاسود الاول عندما شاهدت اغتيال الزعيم العربي صدام حسين رحمه الله
عزي لعادل يوم ينظر لصدام = ياليت عينه يوم شنقه عمية
لا وهني اللي توفى له اعوام = مايدري عن عيد السنة يا هنية
مبروك عليكم ياعرب راس صدام = مع أول اعياد الضحية هدية
مبروك عليكم ياعرب ذل الإسلام = عز العرب دارت علية المنية
خان الذي خانة ونام الذي نام = وزعيمنا أصبح خروف الضحية
ماعندنا غير المناكير وإعلام = ياهل الخيانة والفعول الردية
راس العرب كلن يذله بالأحكام = وصرنا نشوف الذل مابه خطية
يالعن ابوكم ياعرب راح صدام = ولا بنا اللي جاوبته الحمية
أنا اشهد ان الضيم بديارنا حام = ويستاهل التصفيق بوش وخوية
مابه فوايد فعلنا عقب الإعدام = حنا البلى حنا معه راس حية
دام الأهانة عانقت راس صدام = كلن يدنق بالخجل للدنية
وانا مالي يوم اسطر بالأقلام = إلا عبارة في زمان الهزية
راس العرب خانه رديات الأيام = وبقى الذنب فوق الرجال الوفية
قصيدة بصدام بطل العروبة عندما استشهد 
العرض العادي
