إن جيت بكتب شعر في وصف حايل = اعجز اوفي وصفها في قصيده
حايل لها في داخلي حب هايل= والقلب يحمل حبها مع وريده
كل نبضةٍ بالقلب فيها دلايل= تحمل مشاعر يم حايل عديده
حباً سكن بالقلب ماهو بزايل= لو فارقت قلبي ابصبح فقيده
اعشق جبلها وارضها والنثايل= حتى هواها اتمنى واريده
لهامعزة داخلي صرت شايل =ماقوى ابدلها ولا اقوى ابيده
وعز انا معها فريد الخصايل =سعود هو راع الوفا والوليده
اميرها اللي وافيٍ بالفعايل = له نظرةٍ قدام دايم سديده
طور لنا حايل وصارت هوايل= وقفزبها قفزت تطور بعيده
وبذلها جهده بشتى الوسايل = وتميزت باشياء كثيرة جديده
وصارت عروسه مالها من مثايل = وتجملت بحلى الصفات الفريده
وانجازه اللي قادنا للأوايل = ابهمته وبهمة ايضاً عضيده
عبد العزيز اللي يشيل الثقايل=واللي بفعل الطيب وافر رصيده
واعز انا اهلها عيال الحمايل= اهل الصفات الطيبه والحميده
مقدرين اضيوفهم بالجزايل= وحياكم الله بالسنتهم اكيده
من زارهم يلقى هلابه بحايل=ترحيبةٍ من قلب ماهي مكيده
( welcom)هلا ماهي ترى بقول قايل= عبارةٍ وسط الجبال العنيده
تاصف مشاعر اهلها بلا تحايل= وبجمل شعور ونفس ايضاً سعيده
هذي ترى حايل اذا كنت سايل = معروفةٍ منذ العصور المجيده
صادق انا بقولي ولالي بدايل = حايل بعد حيي اكرر وعيده
وهذي احاسيس ولاني بعايل = من غير ماشعر صغتها في قصيده

وسلاااامتكم