السلام عليكم ورحمة الله وبركاته


هذا الموضوع اخذته من كتاب يدعى البدو الظرفاء للكاتب بدر الحمدو وما يخفى على الكل ماكان عليه بصري الوضيحي من افتتان بالنساء يعني الرجال راعي مهاوى ومغازل وينصب عند المزايين (النصب هو المغازل ) والمعروف عنه انه اذا سمع عن امرأة جميله ابتكر الحيل والأساليب للوصول إلى قلبه اوبالتالي يمر بنكبات وغالبا مايتخلص منها بذكائه وحنكته .
يقول وهو يوصف مغامرته اللي صارتله البارح:




البارحه يـوم اول الليـل بمـراح
سريـت للـي كاللوالـو عذابـه
قالت تنزح لاارهج الجو بصيـاح
ماني من اللي بالردى ينهقـى بـه
قمت اتبطح له واديـره بالأمـزاح
لان الحبيب وقام يضحـك بنابـه
ودخلت بالثوب الحمر زين الأرياح
وقعدت لين الصبح بيـن سرابـه
وقالت تنزح ياولد فـج الأصبـاح
مـار الله...الله سدنـا والحرابـه
قلت املني ياعين خشف الى ضاح
ماني من اللي بالردى ينهقـى بـه
ماني ولد نذل علـى السـد بيـاح
اللي ليا قفـا عشيـره حكـى بـه

وبصري بغا ينذبح هاك الليل لأن بصري مافطن لأخو البنت اللي كان حاضر المجلس وكنه بدا يدخله الشك وقام يناظر الى بصري بنظرة ذابحك ذابحك بسبب ان اخته هي الوحيده اللي تلبس ثوبا احمرفاستدرك بصري واكمل قصيدته:



علمي بهم بالصيف يوم الحيا طاح
واليوم مدري وين ربـي دوابـه
مدري مع اللي سندوا يم الأسياح
والا مع اللي حـدروا يـم طابـه

وسلم ربكم بصري من الذبح يو قال أن السالفه صارت في اول الصيف

مشكوووووور والله يعطيك الف عافيه

كلكم يا ملين العافية والصحة والرضى على تدخينكم موضوعي بدخونكم العطر

مطارد

طرح رائع وتواجد اروع

تقبل مروري

يامرحبن به مداخلتك الاجمل