مضى علي عامين مجـروح وجـدان=
من يوم انـا فارقـت غالـي حلالـي =
يومي عذاب وليلـي دمـوع واحـزان=
الدمعـة الحمـراء تبـهـر دلالــي =
غريـب دار مكبـل الحـس تلـفـان=
اكـابـد الحـسـرات واعـزتـالـي =
اصبحت انا والهم با الحيـل صدقـان=
همـي يـوازي راسيـات الجبـالـي =
مرت سنيـن معـذب الـروح تعبـان=
يا خوفتـي يـا نـاس قـرب هبالـي =
يرحمني اللي ما ملـك قلـب انسـان=
ويرحمني اللـي لوعـه فقـد غالـي =
ويرحمني اللي من عنا الوجد سهـران=
يبكي لحالـه مـا لـه اليـوم والـي =
وترحمني طيور(ن) تهنـت بجنحـان=
وترحمني الخفـرات وسـط المفالـي =
محد(ن) يوازن با الغلى غال الاثمـان=
ولا احد(ن) من الحلوات غيره زهى لي =
غابت بدون انذار وامسيـت وجـلان=
غابـت وخلتنـي وحيـد(ن) لحالـي =
لو قلت لـه لمقابلـك حيـل ولهـان=
في حفـظ رب الكـون مالـه ومالـي =
ولو طالبوني جملـة الانـس والجـان=
على اني انسـى قلـت يـا هملالـي =
انسى غلى روحي وهي نور الاعيـان!=
توقفوا بـا الله انـا ابخـص بحالـي =
يا الله يـا خـلاق يـا عالـم الشـان=
تجبـر عـزاي بغيبـة ام العيـالـي =
وتجعل سكن خلـي بساتيـن وجنـان=
وتغفـر ذنوبـه يـا عظيـم الجلالـي =
وتفرج لعبد(ن)تايـه الفكـر حيـران=
ما غير يصفق بـا اليميـن الشمالـي =
الى زوجتي ( يرحمها الله ) 
العرض العادي
