السلام عليكم ورحمة الله وبركاته
اليكم احدى قصائدي واتمنى ان تنال اعجابكم
/
/
احيان اقول الصمت و النسيان اخير امن الكلام=واحيان تدفعنـي هواجيسـي علـى محرافهـا
دفع الرياح اللي تهب وتدفـع صـدوق الغمـام=واليـا ادفعتهـا روحـت بثقالهـا و خفافهـا
وانا هواجيسي ليا وردت مـن المضمـا حيـام=ما اصد عن محرافها .. والناس مـن ميقافهـا
والطعنه اللي وسط قلبي واوجعت حدب العظـام=يا قوها من كفً اغليهـا واحـب اطرافهـا
ام القوام اللـي تثنـى كنهـا غصـن البشـام=سبحان خالقها و فارقها علـت باوصافهـا
صحيح لآغابت جيوش الحب ما يِحفـظ نظـام=تحظر جيوش الغـدر قاطعـةٍ جميـع احلافهـا
واليوم في وقت القطاعه غاب مرسـال الغـرام=والمشكله و المعضله لازال وصـل اطيافهـا
ما احب نكران الجميل وذِلـة النـاس الحشـام=ولا احب اذل النفس .. عز الروس فوق اكتافها
طبع الوفى لاهل الوفى .. والغدر من طبع اللئام=ونقض العهود اكبر جريمه ... والعرب باعرافها
والعفو عند المقدره من شيمة النـاس الكـرام=جمله / واسلي خاطري فيها ... ونوب اعافهـا
وسلامتكم ،،،
جـــيـــــوش الحب !! 
العرض العادي
