جتني وتسأل عـلام الحـال متبدل ****
لايكون مني وعلى فرقاي بدلته.
قلت العفو منك صار الحال متعدل ****
وأنا احمد الله بعد فرقاك عدلته.
لاتحسب إسمي مابين الناس متذيل ****
أو تحسب إنك على ماصار ذيلته
إسمـي ترى فـوق ما كنـت متـخيل ****
وإلا أنت اسمـك ترى وشـو تخيلته.
ظنيتي إسمك بوسط القلب متسجل ****
لاكني ماذكر بوسط القلب سجلتـه.
لاتـحسب إنـي عـلى فرقاك مـتويل ****
وإلا أنت قلبك على فرقاي ويلته.
قلبي كره قلبك ولو جاه متميل ****
وقلبـي لمثلـك ترى ما يـوم ميـلتـه.
طبعك مع الناس تمشي دايم اتمثل ****
ومعي فشل دوركم من يـوم مـثلـته.
قلبك علامه من الكذبات متضلل ****
وإلا أنت من زود كذبك رحت ضللته.
قلبي بوصف الصدق يابنت متجمل ****
ومن زود صدقي يابنت الناس جملته.
واليوم قلبي على الرحمان متوكل ****
وما خبت ساعة على الرحمان وكلته.
بـدل جفـاكـم بـغيـمـة دايـم تسـيـل ****
وأنا أحمدك ياإلاهي يوم الغيم سيلته.
غسل غثا قلبي اللي كان متشكل ****
وأنبـت ربيـع(ن) بكـل الورد شكلته.
يازين زوله إليا من جاك متكحل ****
جعلي فدا رمشه وعينه و مكـحلته.
جاني يقول ابفؤادي وحدك الأول ****
وأنا بوسط القلب يا ناس أولـته.
وأنتي هدف خطتك ياهووه متسلل ****
وأنا بكيفي يابنت الناس سلـلته

محمد الفريدي