استفيضي يالقريحه وانفضي عنْك الهوان = انزفي مادامت طعونك جراحه ثايره
ايه هاتي من لهاتي مايجود ابه اللسان = دون من ياقف شفيعٍ يوم هول الآخره
والله انّا يامُحمد نِرخص العمر ونبان = حزةٍ فيها لذيذ العمر كلٍ ذاخره
الف صلى الله وسلم والشهاده بالبنان = أنك المبعوث فينا رحمةً .. نناصره
ياأحب الناس حتى من مرضّعْت الحنان = لك هنا بين الضلوع العوج عينٍ فايره
عزتك ماهي على هرجٍ يسطْره البيان = الله اللي عزّك وحنّا جنودٍ ساهره
وش علينا ياخطاريف المجنّن والجنان = ماعلى المؤمن مهانه دام سيفه شاهره
العداوه من قديمٍ من طمانٍ في طمان = والشواهد بيحوها في رسومٍ ساخره
كانها بمزارق ارواحٍ فلا فينا جبان = والله انّا نصطلي والنّار شبّت ساعره
يا أبا القاسم علينا لك عهودٍ لك تصان = يمهل الله والحروب الدايره هي دايره
سيفنا البتّار قوّ ايماننا بالله وامَان = والله اكبر غيرتك فلت لها ظفايره
(يا أخا الإسلام قُم فإن الوقتَ فيه حان) = وقّف على نفسك رقيب عن اليهود وتاجره
الله ولا ذلٍ نعيشه والمصايب..امتحان = كِسرة رغيف ولا مهونه في عروقي سايره
لا ولن يرضون عنْا بالعقيده والقران = يالله انك تبتليهم بالعصوف الدامره
يالله انك بالزلازل من تَحَتْهَم.. لاهوان = أنزل انواع العذاب الساطيه.. والجايره
ورّنا فيهم عجايب قدرتك ياجل شان = لك إلهي واتضرّع بالخفا واجاهره
والختام ازكى صلاة معطره لاطهر جَنَان = خير من ناخت ذلوله يوم ربي يامره
الله اللي من مكانه سيّره الى مكان = شيدوا فيه الهِدايه واعتلت منايره