مساء الخير . هذي مساجله شعريه طريفه بيني وبين الجيب االشــــــــاص بقالب شعري جديد
(قلت وقال)
اليكم القصيدة
:
قلت :
البال ضايق والهواجيس تزداد=والشفّ بعيوني يزيد التهابه
وش عاد لوشاورت وش عاد=يالشاص انا مليت لوم وعتابه
قال :
لاتستمع للناس والناس نقاد=وزودٍ على المنقود حسد ونحابه
اسلك طريق العز معروف الاشهاد=والعمر مقفي مايفيدك جنابه
قلت :
يالذيب انا لي شف وعن البشر زاد=ماهو بعيد ولايجي بالقرابه
شفي معك والجود مايبري الباد=ومن الولع والكيف فكري غدابه
قال :
اسمع كلام عبيد والزير وعناد=واضرب على الكايد خطيرٍ صوابه
عندي من الشيمه تفاصيل واعداد=وعندي على ضرب المكايد صلابه
قلت :
هذا كلامك ماختلف فيه الانداد=وانا اشهد انك للمنادي جوابه
عز الخوي ماجمعوا عقبك عتاد=ولاشفت زولك بالورش والخرابه
قال :
لا لاتزيد المدح ياشاعر الضاد=ياشاعرٍ شعرك يفيض بحبابه
الناس ماخلقت تشابه بتعداد=والذوق والمقصود علم وغرابه
قلت وانا مع خط الرجعه :
ذوقي ومقصودي على الشاص بالكاد=نمشي ورى الماطر حقوقٍ سحابه
ونصافح القاع الخضر وسط الانشاد=ونمتر صحاصيح البراري وغابه
ومن حد عرعر للصحن لحزوم الاجداد=ومن الحليفه لين ضلعان طابه
هذا هواي وخوتي طير وزناد=ومعي رفيقٍ فيه طيب وذرابه
هذاك كيفي وثالث ايام الاعياد=ولاضن وقتي تعتليه الكئابه
اتمنى ان تعجبكم ودمتم بكل خير وعافيه ،،،،
نايــــــف الناهي
بيني وبين الشــــاص 
العرض العادي
