كل ما قيل حايل دمـع عينـي يفيـض=واشتياقـي لحايـل مـن دلايـل غـلاه
والبيوت الجديده من ضميـري تهيـض=واسم حايل بيوت القيـل عنـدي زهـاه
يوم اشاهد جباله ضامـري يستريـض=الجبال ونفـوده والسهـل مـع حصـاه
من غلا الدار عندي كل موطن بغيـض=غير مكـه وطيبـه مـا بغينـا سـواه
هي عروس الشمال ومن سكنها حضيض=ديرةٍ حاتـم المشهـور عـاش بوطـاه
الكرم لـه شعـار وبالمكـارم تفيـض=بالكرم مـن قديـم ٍ عاليـا ً مستـواه
ديرة احفاد حاتم مـا سكنهـا خفيـض=ساكنه والبدو واللي سكـن فـي قـراه
الله اللي وهب للـدار مجـداً عريـض=مجدهـا حاتـم المشهـور شيـد بنـاه
الكرم بـه طبيعـي والتطبـع نقيـض=والمراجل صعيبه تتعـب اللـي مشـاه
والنفوس الرضيه دائمـاً مـا تغيـض=وميزه اهل المراجل ما خسر من نصـاه
والمزون الثقيلـه مـا تشابـه نفيـض=أرض حايل وجوه غاليـه مـن حـلاه
ما حلا جوهـا ياحـل وقـت المقيـض=عد سودة عسيـر تنافسـه فـي هـواه
ومن يفارق دياره مثل حـال المريـض=لـو تغـرب حياتـه مستحيـل ٍ نسـاه
هي عروس الشمال ومن سكنها حضيض=ديرةٍ حاتـم المشهـور عـاش بوطـاه 
العرض العادي
