السلام عليكم ورحمة الله وبركاته ...
مساء .. وصباح الخير للجميع ...
أولاً أسعدني إنظمامي لكم ...
بهذا الصرح الشامخ ... بمن فيه ...
ثانياُ أحببت ... أن أقدم لكم هذه المتواضعه أتمنى أن ... تلقى إستحسانكم ....
هذه قصيده موجهه إلى الاخ العزيز مشعل الزوبعي
يالزوبعي قلبي من ألعام مانام=الهم خيم والدموع أغرقنَه
مشعل أنا وياك نكتب من ألعام=حروفٍ نسرجها وهذي نعنه
أسهر بليلي والجدى عد الايام=وأنام في ونات واصحي بونه
عايش حياتي زيف واركب اوهام=عزي لمن مثلي همومه وطنَه
واوجد حالي وجد محكوم الاعدام=مطلوب دم(ن) والهنادي يبنَه
مطلوب دمه من خواله والاعمام=كلن يقول يموت لا بد منه
راحت حياته في زلازيل الاجرام=عشرين عامٍ ينتظر ارهقنه
أو وجد من شورف على روس الارجام=وفي راس رجمه كل الاحزان جنه
فارس وخيلي مالها سرج وألجام=فارس وكشر له زمانه بسنَه
ماكني ألا مسرع(ن) قبل الالمام=يبي المراكب والمراكب نسنَه
راحت حياته وأنقضت كل الاحلام=وأصبح غريبٍ والهموم أركبنَه
الحظ ما يعطي وأنا أقول قدام=والعرج من شهب الذيابه كلنَه
وسلامتكم
أخوكم / هلال عزيز الشمري..
ولكم ودي..
مصافحه أولى ( يالزوبعي ) لــ هلال الشمري .. 
العرض العادي
