أحس به حبك ولو مانطقته= ونبضات قلبك اوجسه وسط قلبي
وعيونك اللي ترتبك لالمحته= أفهم كلامه لو تحاول تخبي
وفرحتك لامن مر زولي وشفته= أدريبها وأدرى تمنيت قربي
وكل الذي تخفيه والله عرفته= ياشيخ واضح ليه عني مخبي
أدرى غلاي بوسط دمك زرعته= وخطوات قلبك تمشى بنفس دربي
وأنا بعد مثلك بروحي بذرته= حبك ولكن ياهوى البال أخبي
عفت البشر من يوم قلبك عرفته= وش لي بكل الناس دامك بقلبي
كل المشاعر من عرفتك ملكته= وحدك وحدك له خفوقي يلبي
ياذبحي كل الغلا لك وهبتة= واشواق روحي لك حبسته وربي
أن غبت لحظه هاجس الموت شفتة= حلمي اموت وبس اللآقيك جنبي
وأخاف حبك لانطقته وقلته= ماعاد يبقى حب من زود حبي