للزين قالوا من قديم علامات = عين ومبسم والجسم والرشاقه
لكن كسر هالقاعده هالمتينات= من واقع ماهو كلام وبلاغه
واللي محليهم ولا هن ثقيلات= دايم خفاف الدم وفيهن لباقه
الله يا هن يا جماعه لطيفات = علي الكلام الحلو فيهم طلاقه
ماهو ضروري بالرشاقه رشيقات = وزود الوزن ماهو يعني اعاقه
صحيح بعض اللبس يعني اهانات = الوزن يالضّيق ماله علاقه
بس مو ضروري يلبسن استرجات = يا زينهن واللبس واسع نطاقه
لا بارك الله فيك يا الضيق بالذات= ترا السعه بالذات تعطي اناقه
قالوا الرجيم اليوم هم البنيات = قلت الرجيم ادري يبغيله فراغه
قالوا الرياضه قلت ماهن مريضات= للسكري لا مامعاهن بطاقه
قابلهن الله بلا رجيم ورياضات = بهديهن مني من الورد بطاقه
هن دفء المجتمع هالرقيقات = هن ملح هن سكر لذيذ مذاقه
هلا سالتوني عن الحب بسكات = بقول هن فيهن من الحب طاقه
ماهو كلام اللي كتبته ولا اشاعات = انا ربطتني بمتينه علاقه
هذي قصيدة تمدح المتينات 
العرض العادي
