يالشاعر اللي هـــــــــــــــــايمٍ بالمطاليع= من عشقته للصــــــــــــــيد .. ماقال توبه
معذور لو عدّيــــــــــــت روس المرافيع=وجلست لين الشـــــــــمس يبدي غروبه
خابرك تسلى مع هـــــــبوب الذعاذيع=اللي يجي لك مــــــــــــن شمالٍ هبوبه
وتحسّ والنيران وســــــــــــــط الأضاليع=لا من نطحته كــــــــــــــن يطفي شبوبه
دامك مولّع بالمـــــــــــــــقانيص توليع=ما ظنّتي مثلك تحـــــــــــــــــــسّب عيوبه
سجّ الخيال وهـــــات عذب المباديع=اللي قوافيهــــــــــــــــــــــا ترقرق عذوبه
وحرّك حواسيـــس القلوب المهاجيع= واعزف لها غــــــــــــــــرّ اللحون الطروبه
لا صار لك بالنــــــــــاس واجد مطاميع=حقٍّ عليـــك تحــــــــــــــــــقّق اليوم نوبه
ياربعنا يامبعـــــــــــــــــــــــــدين المراميع=كلٍّ يولّم بالاجـــــــــــــــــــــــــــازه جيوبه
نبي لنا سجّــــــــــــــــــــــــة وناسه وتمتيع=يم الديار اللـــــــــــــــــــــي علينا محبوبه
نبدا من المتكى عـــــــــلى حافة سليع= للواد الاخضر ثــــــــــــــم نرجع جنوبه
وندوّج الحرّه وهــــــــــــــــــاك القراشيع=ونسجّ سجّة مــــــــــــــــــن تناسى ذنوبه
ناخذ بها لو كـــــــــــــــــــان حقّه أسابيع=خمسة ليالٍ بالـــــــــــــــــــــتمام محسوبه
مع رفقةٍ مايجـــــــــــــــــــــــهلون التسانيع=الكل منهم فاهـــــــــــــــــــــمٍ في وجوبه
مثل السباع المرهــــــــــفات المجاويع=للصيد مدهال المـــــــــــــخاطر تجوبه
الصبح تكيه .. والمــــــــــــسايا مناجيع=والليل باثار الجــــــــــــــــــــفول اللعوبه
ياما جمعنا من طـــــــرا الصيد تجميع=والبعض دوبه صـــــــــاد ثنتين .. دوبه
حنّا ومالك في طـــــــــويل المواضيع=ناسٍ قناصتهـــــــــــــــــــم تراها اعجوبه
نهوى الديار المــــــــــــخليات البلاقيع=ونصدّ عن حروات العـــــرب والنشوبه
لا قلنا لربوع الـــــــــــــــــوفا عندنا ريع=بطحاه تهواه الـــــــــــــــنفوس التعوبه
وجونا بالأحداثـيّه على غير تضييع=والنار بالكيف المــــــــــــزهّب شبوبه
ودارت سواليفٍ تـــــــــسرّ المساميع=ماهيب قالات العــــــــفون الكذوبه
أيام راحت يافهـــــــــد دون ترجيع =شوفة عيوني يـــــــــــــومهم روّحوا به
أخيلها مثل الــــــــــــــــــبروق اللواميع=وفي حبها نفســــــــــــــي تراها امغلوبه
لو جيت ابسلاها ترى القلب مايطيع=كل يوم يذكر لي ســــــوالف دروبه
.
.
ابو جووووود
.... ســجّــــة شــــاعـــــر .... 
العرض العادي
