عسى الحيا يسقي مرابع بريده
.........................يروي (درو ) وآد الرمه لغف ابا الدود
وتضفي هماليل المزون الشديدة
.........................على نصايب والدي ديم وســــعود
أبو سعود الشاهد الله فقيدة
.........................شيخٍ تقيٍ صدره اسهود وامهـــود
هو جنة الدنيا لنا والبديدة
.........................وغيره جهنم عنده المال معـــــبود
يابوي تبكيك المنابر وحيدة
......................... عقبك رقى المنبر منافق ومسيود
وتبكيك نجد ارمال واجبال ريده
......................... ياموقدٍ ضوه مع الليل وسعود
يامطربٍ صمت الخلا من نشيده
.........................يابوي عقبك من وطى الدرب مقرود
جيت الرسوم وكنها بك جديدة
.........................شرق الثميد وكل سلمى لك شهود
شفت العيون اللي تحبك شريده
........................ تضحك وتبكي شافتك فيّ موجود
هم حببوني بالبدو والقصيدة
............................حيث انهم حبوك بالعسر والكود
الرســــــــــــــــــــــــــــــــــوم 
العرض العادي
