السلام عليكم ورحمة الله وبركاته
يا اخوان انا كتبت هذا الموضوع في احد المنتديات التي تهتم بالمنطقة وانا الآن اكتبه هنا وذلك ليلقى اهتمام اكبر .
وموضوعي هو انني قبل كم يوم رحت بولدي الى حديقة الزبارة علشان يلعب بالمراجيح وشفت لي منظر فيها غريب وهو وجود شخص منسدح بالحديقة ولابس ملابس وسخة وحالته توجع القلب المهم مريت بالليل من جنب الحديقة ولقيت الشخص جالس بنفس مكانه ومريت بعدها بيوم ولقته بمكانه وايضا بعدها بيومين لقيته بنفس المكان .
فيا اخوان فيه احد يعرف عنه شيء هل هو محتاج او فقير او مريض نفسي وبعدين وين اهله وجماعته ؟
ويا اخوان اللي باستطاعته عمل اي شيء له تكفون ياليت يسويه على وجه السرعه .
وأنا سألت عنه بالحارة وسألت امام المسجد القريب من الحديقة ولكن لم اجد اجابة .
وايضا جلست معه وتكلمت معه ولكن لم يعطني اي اجابات تكشف عن هويته .
ويا اخوان من اراد مساعدة هذا الشخص ولا يعرف موقع الحديقة فإن موقعها هو على شارع الامير مقرن بن عبدالعزيز ووجهك شمال بعد الثلاجة العالمية تتعدى الاشارة وتصير على يمينك وهي مقابل مطبخ الكرمة .

طيب ان تقول تكلمت معاه اكيد انك لا حظت عليه شيء فأذا كان مريض يبان عليه ...وبعدين اذا لم يضر احد ليش محيرك الموضوع ..؟

ابو حسناء ... الموضوع وربي قيد الاهتمام والحديقة بجوار منزلي بالتمام

وسبق ان بلغنا شرطة عيرف وبلغنا رجال الامن وبلغنا الصحة النفسية

وقالو لا علاقة لنا بالامر الا بامر رسمي من ولي امر الشاب ... هو يعاني من حالة نفسية ؟

بس هادي ولا يملك اسلوب الشراسة ابد ابد .. ويرفض رفقة احد سبق لكبار السن بالحارة

اخذة واطعامة بس يرفض ........................... والله مشكلة ومعاناة ...........؟

موضوعك غريب من جد غريب ؟

وش هالرجال شكلة مريض نفسي او محتاج ؟

موضوع يدعونا الى الذهاب للحديقة للاستطلاع