البارحه مضيت من الليل ثلثين=في شقة المنعور راع الغياره
محمد هنيدي من اربوعً كريمين=به الضفر والطيب وايضا النماره
وتفرق المجلس وراحو مقفين=كلً رقد في غرفته بالعماره
وشبت همومي في ضميري براكين=وعبيت انا المفواح وشبيت ناره
من الهرري حطيت لي وقم كفين=وعلى المزاج وزنت طحنت بهاره
وجبت القدوع وسميت واخذة ثنتين=وشفيت فنجالً وزنا عياره
كار الذي دايم على الطيب حرصين=ويبقى رفيع الراس من كان كاره
وجبت القلم وخطيت بالخمس بيتين=من نبع جاشي ما خذيت استعاره
شاعر وعندي للمثايل قوانين=اترك هزيل القاف واخذ خياره
لو بالمثل اموال اغني فقيرين=املك وأملّك من الفقارى تجاره
وقصراً بواشنطن وقصراً ببرلين=حيث ان فكري للمثل به شطاره
و لويت شطر البيت والناس نيمين=يوم ان صدري ولعت به حراره
ليلة ثلوث ويومنا يوم الاثنين=قبل الثلوث يطلع علينا نهاره
قلبي جريح وهاجسي صار هجسين=ولالي جدى ياكود قطف الزقاره
ياهل الحفر رؤفو بحال المساكين=وعزي لمن مثلي حياته خساره
نواف قلبي لاعه الهجس والبين=من الذي صادفتها بسوق ساره
ريمً وتمشي خلف سته مزايين=به الدلع وايضاء تميل لحضاره
تبعتها امشي ولا ادري على وين=مدري دلاخه قلب والا دشاره
به الجمال اللي بهر للملايين=وجسمه تخالط مع بياضه حماره
والكاب ضيق وعذب الكاب ردفين=والعين عين اللي على راس قاره
يكفخ ولاكن يمنعونه بسبقين=قدام عينه شافها يوم طاره
وتوقفت لحاله بئحدى الدكاكين=وفي كفه الايمن رفعت له سواره
قلت السلام وقالت اهلا وسهلين=قلت الذهب هذا وشو عياره
وقذت بعينه لي قالت وبعدين=وش الذي جراك وش هالجساره
قلت العفو ارجوك عندي سؤالين=وابغا الجواب الحين ما بغا انتظاره
انتي بشر مثل البشر يخلق بطين=والا ذهب مخلوق بصنف السواره
وسؤالي الاخر عن اصلك ومن وين=وردت علي جوابها واستداره
تقول من شمر والا الفداعين=تبي نهار يدوج في كل حاره
نواف هذا ماحصل يوم الاثنين=وسط الحفر بالضبط بسواق ساره