بشكي على اللي كلنا دوم نرجيه = اللي بسط سبعن وسبعن رفعها
غيره فلا ارجي ولانيب ناصيه=لو ان نار القلب ضلوعي حطبها
ماعاد لي بالصمت ولانيب راجيه =مدام روحي عارفن من سلبها
انا ارجي الله بس ولحدن مساويه = ملك الملوك اللي حياتي ملكها
تعبت من وقتن شينه مباديه = شيخ حصاني والضواري نكبها
وشلون اخفي شي ربي معريه=احدن قدر للشمس يوم يحجبها
والعمر مره وماخذن رغبتي فيه =مدام نفسي عند منهو خلقها
والله ماخضعله ولاجي حراويه=دام النخل نسقيه ويوكل رطبها
ماشفت باقوله ولاني مداريه =والعين من وقتي خطيرن عطبها
والجرح نازف ولاحدن مداويه =وعزيل قلبي وش بقى في عتبها
وعزاه من وقتن بانت مواريه=اشوفها بالعين زادت عجبها
طربانة تلعب على من تلاقيه =وعزيل من عينه ضعيفن بصرها
وعزيل منهو ينحت الصخر بيديه = متوقعن من صم يجني ذهبها
وان عاش راسي لكتبه في معاليه=على اجا يقراه منهو سمعها
والحبر دمي وانا اللي مصفيه =من الوريد لين يقطع نسمها
يقولها منهو بعيده مراميه=الي شرب بلوقت صافي كدرها
في وقت فيه العفن محدن يساويه = يامر وينهى وسط زربن نصبها
ويقلد الحر في مشيه خطاويه = ويكفخ ولاكن ريشته في وسخها
عفنن يفز ونظرته في مواطيه= دايم على العفنه كثيرن طربها
يقطعك ياعفنن ماني مدانيه = وسخن جبان دمعته ماحفظها