يانع أثمارك يناديني وأنا مملي حنين = عشت بين أبغيك أو ما أبغيك وأتعبني غلاك
يافقر كل المزيّن في قوامك يالسمين = غبت عن دنياي والخفاق تليته معاك
رحت أدوّر عن ديارك وإنت يادنياي وين ؟؟ = سرت كل الأرض طول وعرض يابعده مداك
ياحسافة قلبي اللي راح مع بيض اليدين = ياحسافة عشقي اللي نرفزه معنى هواك
كنت أسرهد مع هواك إن كان زين أوكان شين = قلبي تتله وراك ورجلي تتله وراك
وإنت تغويني محاسنك البسيطة كل حين = كنت أشوفك في نظر عيني من الواقع ملاك
سلهمتك اللي تضيع بطول عين وعرض عين = كنت أضيع إن شفتها وأثر الخطأ دايم خطاك
لايجي طيفك وأنا بين الرجال الصالحين = خوفي أزل بوصوفك يسبي العالم حلاك
ولا أنا مبلي بحبك والبلاوي ماتبين = كلها لا أقفيت تقفي متعبة تتبع خطاك
رح ولكن لا تولاك المسمى بالحنين = لا تعّود وإعرف إنه مايزعزني غلاك
يــــانــــع أثـــمـــارك 
العرض العادي
