البارحه يالربـع جانـي بـلا النـاس=دنيا تـراوغ شفـت منهـا المضـره
شي ضرب صدري كما ضربة الفاس=فرّق ضلوعي ناصـي القلـب شـره
وقتي قضى ما بيـن هـمٍ وهوجـاس=هاجوس يلعب فـي ضميـري وفـرّه
كلٍ بهالدنيـا يجـي وقـت ويحتـاس=وعقب الوناسـه مـا تـدوم المسـره
يقبـل ويقفـي بهـا وارد وعـسـاس=بـرّق وشـاف بهـا علـومٍ تـحـره
ولا ينفع المقفي كثـر مـال ولبـاس=ومـن افتخـر فيهـا تراهـا تـغـره
لوه قوي العـزم أيضـا معـه بـاس=محـدٍ يعيـد العمـر لاقفـى يـكـره
اما قطفـه المـوت جـاه الكبـر داس=والا يجيـه الهـزل غصـبٍ يـزره
المـوت لـو دونـه قبـاوه وحـراس=حاديـك ياغافـل ولابــه مـفـره
وفطن لدين الله تـرى بـه تنومـاس=يفـرج لمـن قلبـه همـومٍ تـمـره
لاصرت فاهم صاحي العقل والـراس=مـن طاعـة الله والديـنـك تـبـره
جلست في ليـل الغـداري والادمـاس=يالين قـرب الصبـح نـوره يطـره
واخذت ماظـن الفكـر دون وسـواس=اشوفهـا واضـح ومثـل المـجـره
واقيس بعض اصناف الاجناس بحساس=اليا هـرج لـي بـان حلـوه ومـره
واوزن له الميـزان بالعـدل وقيـاس=واعطيـه زود مـن الموازيـن مـره
لاصارت الرفقـة قويـه لهـا سـاس=تـدوم دام حبـل الصداقـه يـصـره
واعرف ترى طبع الاوادم لها اجنـاس=اجنـاس ترضيهـا ونـاسٍ تـشـره
مافيه شـك عـرق الاوادم ودسّـاس=كلـن علـى ساسـه طبوعـه تجـره