هذي مساجله بيني وبين اخي البلهودي من الطائف في منتدى اخر وحبيت انقلها لكم وان شاء الله تنال على اعجابكم

البلهودي

حيا الله اللـي للصداقـة مايبيـع
=ويكرم الضيفان لو يبقوا شهـر
من دارحائل راعي الصدر الوسيع
=من شمر رجال الجمايل والظفر
العزوة اللي مايضيعون الصنيـع
=عاداتهم يوم اللقاء فجر النحـر
اهل سيوف في اللقاء تلمع لميـع
=شرابها يوم اللقاء الـدم الحمـر

رد برق حائل

بديـت بسـم الله الـرب السميـع
ومن بعد ذكر الله ابدى وارسل خبر
لشاعر المعروف الرجـل الشجيـع
من لابتن من فوق ماصارو حـدر
مرحبابـك عـد مايلمـع لمـيـع
وعد مابالناس مـن رجـل صبـر
اهل حائل صدرهم مثلـك وسيـع
واهل الطائف لابتـن لهـم قـدر
ياهلابك عـد مـن تـوه رضيـع
واشهد انـك طيـب وانـذر نـذر
بس تفضل عندنـا ترهـا ربيـع
حائل واهل حائل تفـرح بالبـدر
عسى تجاوب يافتى بأمري سريـع
وعندنا طقس حائل ماياصل صفر
وحنـا مثلـك للخـوي لا مانبيـع
لـو يسـاوم مننـا بغيـره عشـر
واسئلك عن بنـت دايـم ماتطيـع
الا الياشـافـت واليـهـا قــدر
واليها به خمس والسـادس يطيـع
واطفالها من بطنهـا تقطـع نهـر
ومثلكم باللغـز ماضنـي يضيـع
وحاول بحل اللغز الياوقت السحـر


وهنا قام اخي البلهودي بتغيير القاف ولا اعرف السبب ولاكن جاريته على قافه
البلهودي

ياسلام الله عليكم عدد طلـع النبـات
وعد ماتزهرغصون الشجر باثمارها
قدرلاهل الوافية والصحون الراسيات
دار حاتم طبعها مكرمـة خطارهـا
الرجال اهل الجمايل تفيد الطيبـات
يكسبون الطيبـة لوكبـر مخسارهـا
برق حائل نطلب الله ستره والثبـات
والذنوب المعتلي في السماءغفارهـا
جامع الشمل بين العرب بعدالشتـات
والمشاكل بينهم كان تشعـل نارهـا
انشغل فكري بحل اللغوز المبهمـات
لغز مبهم علته ماعرفـت اسرارهـا
واعتقد الغز يحوم حول الطائـرات
طائرة في الجو يصعـد بهاطيارهـا
صاعدة في الجومثل الطيورالحايمات
في دقائـق تعبرالجوفـي مشوارهـا
وكان ماصبت الهدف حلهامثل الثقات
حلها ميعاب لـوزت فـي تكرارهـا
وانت من شمررجال تفيد الطائـلات
والسوالف للعوارف تسـد قصارهـا
وعزوتي بالحارثاللي تفيد المكرمات
الرجال اهل الجمايـل عزيزجارهـا

رد برق حائل

ياهلا بالشاعر اللـي لـه قوافـي واضحـات
من سـاس حـارث اللـي نفتخـر بشعارهـا
شعاركـم نفتخربـه ويمانيـكـم مطلـقـات
وشباركـم وافـيـات ونفتـخـر بمقـدارهـا
لجلك يالحارثي نهضت ولجلك احضرت الدوات
والقريحة رحبـت بـك ونـت مـن شعارهـا
ياهلابـك عـد انجـوم بالسمـاء ساطعـات
وعـد مايصفـي الغيـم وتعجبـك بنوارهـا
وياهلابك عد مسلم ماخـلا اركـون الصـلاة
وياهلابـك عـد ارض نفتـخـر بزهـارهـا
ولغزنا له خمـس اسنيـن ماشفتـه بالجهـات
وابنها السـادس توفـى يـوم طـق زرارهـا
نفتخـر فـي علمكـم وعلمكـم بالنايـفـات
فوق اهضـاب تمزلـق لاوصلـت احجارهـا
اركابكم يالحارثي شاربـه وركابنـا مقبـلات
والمفاخـر لهلـهـا اكبـارهـا وصغـارهـا
والعلوم الطيبه يالحارثي مثـل قـو الصفـات
مايـهـزه هـبــوب ولا يهـزاسـوارهـا
ولا علينا مـن عاشـق يـوم يهـدد بالقنـات
ضنـي ان اركابـنـا مايـحـن احـوارهـا
كل ديره لهـا دار وكـل كتـف لـه عبـات
وكـل خطـوط سريعـة بيصادفـك دوارهـا
والعاشق رجل وفـي ولـه اعلـوم مترخـات
ديرتـه هـي ديـرتـي ياكـثـر زوارهــا

البلهودي

مرحباعـداد ماوقـف حـاج بعرفـات
=وعد من بات بمنى بعد رمي جمارهـا
شمري وافي وراعـي علـوم وافيـات
=من رجال صغارها تقتـدي بكبارهـا
شمراهل الجيش واهل الخيول العاديـات
=دون ترفات العشائر تبيـع اعمارهـا
شمراهـل مرحبـا والوجيـه النيـرات
=وديرة راعي الوفاء يمتنـي مسيارهـا
والسيوف اللي نهارالملاقـى ماضيـات
=في الصدور ومن ظهور العداء مظهارها
مقصد ضيوف تحث الركاب الساريـات
=اول قراهـم دلال يفـوح بهـارهـا
فعل شمرمايبـي لـه شهـود وبينـات
=تلطم الفتنـة ليـا شغلـت مزمارهـا
والقصيدةواضحةوالمعانـي كـامـلات
=والمخمس ماجهل من ركد في عيارها
والشكرمنالعاشـق ملاييـن ومـيـات
=عد ذرات البسيطـة وعـد اشجارهـا
والسعادة فالكم فـي الليـال المقبـلات
=ومكة وطيبة تكونـون مـن زوارهـا
وعاش ابومتعب ملكنا زبون المكربـات
=وياعسى رخوم الجزيرة فداء لاحرارها

رد برق حائل


بديت بمنـزل عـم وطـه والعاديـات
مطلع الشمس يالحارثـي فـي نهارهـا
ومن بعـد ذكـر الله نبـدى بالابيـات
هاضت القريحة وقامت تغوص ببحارها
قريحتي هاضت وقبله قرايح هايضات
وكل معامله توجه يتبعهـا استفسارهـا
اسئلك عن رجـل اختفـى بالسنيـوات
وجت بدالـه بنيـه تبتسـم بشعارهـا
اختفى وصار اثـار والبنيـه بالمبـات
وصوته اقوى منها وكان يهز اجدارهـا
واسئلك عن بنت صار بدالـه بنيـوات
والفتاة من البنات عجزت تاخذ ثارهـا
والفتاة معها ثنتين عند مثلك مقلطـات
ياما حلا يانديبـي صفهـن بوجارهـا
ترى اللغزين مني كل ابوهن واضحات
ونت مثلك يشـاور لنحـرج بشوارهـا
وسلام مني مليون لك مني مرسـلات
وعد مايزرع ورود وتنقطف ازهارهـا
وعد من يرقد الليل وعد ناس ماتبـات
والقبائل ياعزيـزي تفتخـر بحرارهـا

البلهودي


سلمت ياللي ماتجـي بالهينـات
=والطيبة من عادتـك تختارهـا
النجردنـه والـدلال مهـيـلات
=والماء مصفى من عدود بيارها
اول قبال الضيف عندك جاهزات
=مهيـلات زايـد مسمـارهـا
ولكم تحيـة كأنهـا سكرنبـات
=وعن كثرت علومي تسد قصارها


وسلامتكم جميعا كما اتمنى ان تنال على اعجابكم ووتقبلو تحيات ابن فنيدل

بيني وبين البلهودي اكثر من محاوره وسوف اقوم بنقلها بالمرات القادمه اذا اعجبتكم هذي المساجله

ملاحظه

حاولت ان اقوم بتنسيق القصيده ولم اتمكن واطلب من الاداره تنسيق القصيده