هل وجد مثل هذا
ابداع ؟!!!
مفحم للغايه
خارج السرب اصعد في سماك الفكر=كان غنت طيور الليل من وكرهـا
لك تركت الفضا كله مساحة نشـر=تيه واطلع بنفسي فيك الى قدرهـا
يانزيـه المواكـر ياعزيـز القـدر=ياوحش ياطليـق الـروح ياحرّهـا
لا تدور لنفسك عن مرامـك عـذر=النفوس العظيمه موتهـا عذرهـا
ويش معنى حياتك في ربيع العمـر=كانك بْتحسد الميته علـى قبرهـا
كنت أقدم قصيدي ورد واهل الشعر=ناقتن تقطـف الـورده وتجترّهـا
لكن اليوم حنا في زمن في عصـر=ابن زايـد محمـد واكتمـل درّهـا
غن يامن بصدري لك زمانن تجـر=هات عجز القصيده واعطني صدرها
ما هجرت الوزن والقافيه من عسر=لكن النفس ما كان الشعر خمرهـا
أشغلتنـي حيـاة الغندبـه والفقـر=في مشاويرها واغنتنـي بفقرهـا
موتري يطوي البيد ويحوم النسـر=ويتسابق معي ظلـه علـى برّهـا
يطلب الله رزقه من صـلاة الفجـر=لين ما تستريح الشمس في خدرها
كن روحي بجنحانـه عليهـا نـذر=ما توقّـع بـدار الا علـى نذرهـا
اعتزلت المدينه عن حياة الحضـر=في صحاح الفلا والعين ذا بصرهـا
خيمتي والنسايـم بالنسايـم تمـر=والثريا على جفنـي غفـى بدرهـا
يسري الليل يسريبي وضوي سمـر=تنجذب له بنات الجن من سدرهـا
كان يطحن براسي حب صوت النجر=ويتمايل بروس ابلي صدى نجرهـا
ترزم النوق من حولي بضيقة صدر=وانا مع فوحة الدله على جمرهـا
وآتقهـواه فنجالـي بحالـة سكـر=واسأل الليل هالنجمات كم عمرهـا
شفت سر الوجود بسر حب التمـر=واكتشفت اكبر الأشياء من صغرها
والنجوم القريبه في سماي شكثـر=لكـن بقلبـي الجـوزا وياحرّهـا
لي تلوح المدينه بالليـوت الصفـر=من بعيدن سفينه والدجـى بحرهـا
كنها في غياهـب ليلهـا تحتضـر=تغرق ويغرق الإنسان في قعرهـا
كل بيتن سكنته فـي ثناهـا قبـر=كل حلـون تذوقتـه بهـا مرّهـا
لجّو الناس فيهـا الهـلال النصـر=التعصب يعـل الـروس ويضرّهـا
ذاك عبد الإله وذاك عبـد الخضـر=واتّشابه عقـول ويختلـف فكرهـا
والتطرف لمذهب دون مذهب كفـر=اشهد إني بري النفس من كفرهـا
خارج اسوارها حلق سماك الفكـر=لا قيودك قيود ولا انت في أسرهـا
فالح بن عايد بن غازي الدهمان السعيدي الظفيري
خــــــــارج الســــــــــــــــرب..فالح الدهمـــــــــــــــــــان 
العرض العادي
