لله درّك يـازمــان الـقـســاوه=علّمتني بقلوب الأصحـاب وشْ لـي
كنت أحسب إنّ العمر معهم طـراوه=واليوم ياوقتي كشفت الغَشَـشْ لـي
واجوّي اللي كـان بسـط وحـلاوه=وش فيك ما تنعش ولا تنتعـشْ لـي
أوّل وانـا بيـن السّهـا واللّهـاوه=لكنّْ طرّاش النوايـب طـرشْ لـي
هِبِّيـتْ يالمبلـي بطبـع الشـقـاوه=يا ضاحكٍ لي كـل ماجيـتْ هَشْلـي
أبْد الوفا .. واخف الجفـا والعـداوه=وسِقْ لي مجاهيم المودّه .. وحِشْ لي
ورتّل على سمعـي سـواة التـلاوه=آيات وحي مسيلمه .. وانتفشْ لـي
شرواك لـو زيّـفْ عليّـه ومـاوه=لابد مايمسـي مـن العيـب فَشْلـي
عهد النقا .. مـادام جيتـك نقـاوه=يوجب عليك بنقوتـك تبتهـشْ لـي
لكن مثلـك مثـل ذيـخ الضّـراوه=لهّـاث مرتـاحٍ .. ولهّـاث مَشْلـي
ابنتزح لـو جـزتْ بِيـد السّمـاوه=واسري دجاها لو يبيت الوحَشْ لـي
فقدك تباشيـرٍ .. وقربـك عمـاوه=مـا دمـت لفّـاقْ لكيـعٍ ونَشْـلـي