دورت لامن قلت تكفاء يجيني = جاني صدى اصوات ثم جت تكفاء
سئلت تكفاء قلت وشبك تجيني = ونا الذي مرسلك لناس تخفاء
انا اخبرلي ناس واجد تبيني = وصدقتهم اني جنيهن مصفاء
زعلت تكفاء قلت بس اسمعيني = قالت ما عمر النار بنارن اطفاء
قالت نيتك وحده وهم نيتيني = بس اعفني باروح وترى انت معفاء
قلت وش ازعلك بالله بس فهميني = قالت غلط اللاش هاليوم يرفاء
وقالت زمان اول راح وش في يديني = زمان اول راح وقته توفاء
ومشيت من تكفاء ونا الهم فيني = ومن دون تكفاء حاجتك لك تقضاء
بالمال تقضى حاجتك حاجتيني = بالمال هو والواو من دون تكفاء
ومشيت انا بالواو وريحت عيني= ومن دون تكفاء بحاجتي صرت معفاء
وشكرا لجميع من قلت له تكفاء واباء وانا كنت في ظروف الله اعلم بها
على العموم عليكم بالواسطه ولا قولت تكفاء لانه انتها دورها في هذا الزمان الا عند القليل من النشاما شرواكم .
الحمدالله الان بعد الواسطه سنه معفاء عن الدوام وان دل ان هناك ظروف صحيحه الله اعلم بها وشكرا لجميع المسؤلين في مرجعي بعد الواسطه وتحياتي للجميع
دورت لا من قلت تكفاء يجيني 
العرض العادي
