الشيـب قـرب مـا باليديـن حيلـه=اشوف له بالراس وصلـوا مناديـب
والكـل يدلـه مـع زمانـه وجيلـه=وليا اختلف ماعاش به صابه الريـب
كثـر الهواجـس والروابـع تجيلـه=ولو تزهمه في بعض الاحيان مايجيب
والحـب قالـوا لـلاوادم وسيـلـه=على النقا ما فيـه نقـصٍ ولا عيـب
سنـة حيـاة ٍ مايجـوز اتعديـلـه=وقيل المحبه من كرم عالـم الغيـب
نفوس البشر تاتي من اجلـه ذليلـه=وزين العـذارى للنشامـى مطاليـب
نجـل العيـون الناعسـات الظليلـه=من اسبابهن باقصى الضماير لواهيب
ياشفت اللي زينـه غريـب ٍ بجيلـه=بالزين مايوجـد بوصفـه عذاريـب
ياوصفـوا زيـن العـذارى جميلـه=تشبه لزين " اريام" بالوصف و"عريب"
لـو شافهـا شيخـاً كثيـر اتهليلـه=بالهرج يخطي بعض الاحيان ويصيب
يضيع من زيـن الوصايـف دليلـه=لوهو كبير السن في مرحلـة شيـب
واللـي يحـب البيـض واعزتيلـه=يمـوت ماحصـل جميـع المطاليـب
نجـل العيـون الناعسـات الظليلـه=من اسبابهن باقصى الضماير لواهيب 
العرض العادي
