بدعوة من قبيلة شمر قام شاعرنا المحبوب عبدالله عبيان بزيارة لمنطقة حائل وتحديداً الحيانية وقد اقيم احتفالا كبيرا في الحيانية تقديرا للشاعر من قبيلة شمر الكريمة القيت فيه عدد من القصائد الترحيبية ,كما القى شاعرنا المحبوب قصيدة جديدة في قبيلة شمر قال انها نبعت من القلب تقديرا لتاريخ شمر الحافل بالامجاد وحضر الاحتفال كل من


الشيخ عارف درزي العردان ,
الشيخ راضي بن عياده بن سمير,
الشيخ محمد بن بعيجان العلي,
الشيخ حاشم بن عطالله الشمري,
الشيخ جديع بن عواد لغيصم ,
الشيخ حلو بن نهير,
الشيخ عمار بن حبيب بن دحيلان,
الشيخ الامعط بن عبيد العردان,
الشيخ خلف بن تركي بن سمير,
رئيس مركز تربة حائل نشمي محمد السلماني الشمري,
نايف بن دهيران الشمري,
الدكتور بدر بن عبدالله العردان،
والدكتور سطام الغريري الشمري ,

واثناء الحفل تقدم عدد من شيوخ شمر واعيانها بتقديم عدد من الهدايا .. ولكن شاعرنا اعتذر عن جميع الهدايا وقال ان التقدير الذي يكنه لتلك القبيلة الكريمة اكبر من اي هدية مؤكدا ان علاقة شمر ويام علاقة ازلية وممتدة.

ثم توالت القصائد الشعرية



حيث القى الشاعر عيادة فرحان السلماني الشمري
قصيدة طويلة نورد منها بعض المقاطع حيث قال :


الشعر تاريخ العرب ماض الازمان
0000000ويبقى مادام الارض فيها حمايـل
وعطر الشعر عبدالله بن عبيـان
0000000الخيـر اللـي للمراجـل وسايـل
يامرحبا بـك عـد ماهـل هتـان
0000000واعداد ما خط القلـم بالرسايـل
باسم الطنايا مرحبا بطير حوران
0000000ترحيبةٍ غنت بهـا جبـال حايـل
ترحيبةٍ تفـوح عنبـر وريحـان
0000000بقدوم من بقدومـه الهـم زايـل
في مقدمك عم الفرح كل الاوطان
0000000وتباشرت بك ياوفـي الخصايـل
يحق للديرة تضمـك بالاحضـان
0000000لانـك تعيـش بهمهـا والملايـل
والطيب مانستغربه من كحيـلان
0000000الطيب طبع جدودكـم والسلايـل
من لابة لا ركبوا الخيل فرسـان
0000000على فعلهم تشهد ظهور الاصايـل
يوم القنا والرمح والسيف والزان
0000000سجلهم التاريخ ضمـن الاوايـل
قبيلة بيـن القبايـل لهـا شـان
0000000عن طيبها انشد جميـع القبايـل
إلى أن قال :
اولاد يام ليا غشـا الجـو دخـان
0000000يرسـون لامـن دخنـن الفتايـل
اهل الضفر يوم المعارك والاكوان
0000000ستر العـذارا ناقضـات الجدايـل
يثنون لامن زغرتن خدر الاعيـان
0000000ويردون حوض الموت ورد الثمايل
والله لو الفت فـي يـام ديـوان
0000000اتعب وانا ما احصيت ربع الفعايل
في ذكرهم تمايل الشعـر طربـان
0000000وما الوم شعري بالطرب لو تمايل
في ذكرهم يصير لولـو ومرجـان
0000000وفي ذكرهم مـا للمثايـل مثايـل
وفي ذكرهم بيت الشعر يجي مليان
0000000وفي ذكرهم تصبح علومه صمايل
وفي ذكرهم يفخر وفي ذكرهم زان
0000000وفي ذكرهم يرقا على كـل طايـل
لانهـم للجـود والمجـد عنـوان
0000000ولانهم اهـل والوفـا والجمايـل
ولانهم للي شكى الضيـم مزبـان
0000000وغير المعالي ما رضوا بالبدايـل
من سال يعطونه سواله بالاحسان
0000000ومن عال يورونه نجوم القوايـل
مروين من دم العدا حـد شامـان
0000000سقم المعادي مرمليـن الحلايـل
النعم كايد بس من صعبهم هـان
0000000والنعم ماياتـي بنصـب وتحايـل
الا بطيـب وطيبهـم للمـلا بـان
0000000وامثالهـم بيـن القبايـل قلايـل
ولاهي لباقي الناس ذمٍ وحقـران
0000000الكل دون العاني ان جـاه عايـل
وختامها صلوا على نسل عدنـان
0000000شفيعنا يـوم الحشـر والهوايـل








بعد ذلك القى الشاعر حمود محمد السلماني الشمري قصيدة طويله جاء فيها:

بديت باسم اللي خلق كل الابشـار
000000رب الملا الخلاق مغنـي المفاقيـر
اللي كفل خلقه على كـل الاقطـار
000000خالق سماه وكور الشمـس تكويـر
من بعد ذكره جبت من فوق الاسطار
000000جواهـرٍ مـن در فكـري مباكيـر
نقيتهن نقـوة هـل الـذود لبكـار
000000مثل الذهب قطف بعـذب النواويـر
بين الخلايـا كلمـة السـر بشـار
000000في رمزها الناري بالابهـام تاشيـر
واعلنتها بجهار مـع بـث الاقمـار
000000ويصور المعنى بالاقمـار تصويـر
وابمدح الطيب خلايف هـل الكـار
000000اللي برز بالطيب وافـي الاشابيـر
عبـدالله عبيـان للطيـب مقـدار
000000خذا بها اليامـي شهـاده وتقديـر
لا جا مجاله صـار للشعـر معبـار
000000ولا قالوا اسمه نوّرالشعـر تنويـر
خذا بها اليامي تميز مـع إشعـار
000000وكل القبايل لـه تسـوق التباشيـر
وربعه دروع الطيب في كـل الادوار
000000لهم قنـاة تحـرر الفعـل تحريـر
افعالهم بالمجـد والطيـب مـدرار
000000قبيلـة لا مـا تهـاب المخاسـيـر
عنوانهم بـدرٍ علـى كـل الاقمـار
000000وتاريخهم مابـه جهالـه وتزويـر
يوم الفعايل نطح من فوق الامهـار
000000معارك يشبع بهـا الذيـب والطيـر
تمشي زعامة يام ماتطفـي النـار
000000خيالهـم ينطـح حمـاة المظاهيـر
وعبدالله عبيان مع طيـب الاذكـار
000000نجم بـرز وينـور الـدار تنويـر
مع طيب قلبه طيب الذكـر يختـار
000000وغرف بدلوه نبع من جمـة البيـر
رجل يحب الطيب فـي كـل الادوار
000000زعيم قوم ويعطي الـراي ويشيـر
وحبيت ابين له مـع الـود مقـدار
000000الشمري يكتـب بالامثـال تقريـر
وطيبه قرار وبث مع كـل الاخبـار
000000ويستاهلـه مابـه علينـا معاذيـر
وارجو السموحه ياخلايف هل الكار
000000ان صار بالامثال نقـص وتقصيـر
وصلاة ربي عـد عـود بالاشجـار
000000على الرسول اعداد نبت النواويـر


والقى الشاعر خلف سالم الشمري قصيدة اخرى قال فيها:

سميت باللي يامـر الغيـث للبيـد
000000يسقي من الكوثر تراب الصحـاري
يامر على المنشى مزون ٍ رواعيـد
000000تودع محيـلات المصامـد خبـاري
اجبرني الدافع وحضرت مـا اريـد
000000ونقيت بالماجود حسـب اختيـاري
اببدي الواجـب سـواة القواصيـد
000000لو ان ما انا من الفحـول الكبـاري
بنات فكري عقب ماهـن شواريـد
000000تراجعن والشـرد راجـن جبـاري
اذابهـن فكـري سـواة الكلوريـد
000000قطعة جليدٍ فـوق مصـدر حـراري
حداهـن الدافـع وخـرّن سواجيـد
000000يشدن مواري سرب جول الحبـاري
منتوجهن يقرا على الطرس ومفيـد
000000ترحيب خصص في بعيـد الديـاري
هلا عدد ما رحّبـت بالحيـا البيـد
000000وما سيق في جرد السهال الخضاري
يامرحبـا حييـت مليـون وتزيـد
000000ترحيبة الممحـل بذكـر الخبـاري
بالشاعر اليامي هـلا بـه تراديـد
000000للي لنا من صـوب نجـران زاري
هلا وساعـة تيتـك تعتبـر عيـد
000000ومن ابرك الايـام هـذا النهـاري
وانا اشكرك على الوفـا بالمواعيـد
000000وتلباك للدعوه مـن ابـو مشـاري
هلا عدد ما يوضـع البـار بالغيـد
000000واعداد طـلات النجـوم السـواري
ويـردده حفـل السلاميـن ترديـد
000000بسم الامير الشيخ راضي جهـاري
وانا اشكرك يالليث نسـل الاجاويـد
000000في وقفتك معنـا بحـق الشـراري
نرفع لك البيضا على نابـي الحيـد
000000بسم الطنايا بيـن مـدن وبـراري
والعمر يفنـى والفعايـل شواهيـد
000000وتبقى علومه بالمجالـس تـداري
ورجلٍ معه قدره وينخـى ولا يفيـد
000000بكرم بحسـه لابسـات الخـزاري
ماعمر فرخ الحمّـره هـد بالصيـد
000000ولا عمر صبخى القاع تنبت خضاري
اشفق على مدح الرجال الصناديـد
000000ولا اجامل العفن الخبيث السمـاري
وعبدالله عبيان من عقـب صنديـد
000000حـرٍ يجـوّد مخلبـه بالخـيـاري
اولاد يـام ليـا التقـوا بالبواريـد
000000خيالهـم لا غـار تقـل انتحـاري
عدوكـم مـاذاق نـوم الرواقـيـد
000000يدرا غضبكم يالسبـاع الضـواري
وصديقهم يلحق مرامه ومـا يريـد
000000يجلس بمجلاس الشيـوخ الكبـاري
ولـو بعـد افعولهـم مقـدر اكيـد
000000ويضيع وقت المنتظـر بانتظـاري
وختامهـا لمبـداه مثبـت وتوكيـد
000000ترحيب باليامي وضمـن اعتـذاري
ولا قلته اعرضـه لـراي النواقيـد
000000ومن يزعم انـه ناقـدٍ واستشـاري
وصلوا على اللي منهجه حق ومفيد
000000الهادي اللي عـن جهنـم مجـاري


بعد ذلك القى الشاعر مرضي الاقعم الشلاقي الشمري قصيدة طويله جاء فيها:

الضيف قدره عند الاجواد الاكرام
000000وحنـا نفـرش لـه حريـر وزلا
معي ياشمر رحب في صبي يـام
000000ترحيبة مـن خاطـرٍ مـا يمـلا
عبدالله عبيان له عندنـا وسـام
000000ورايته بيضـا بالرفاعـه تفـلا
على الشعور وما فعل عبر الاعلام
000000وسيوفنا مع كـل طيـب بسـلا
نعم بيام اعموم وافيـن وشهـام
000000كم واحد للطيـب بهـم استـدلا



بعد ذلك صعد الشاعر عبدالله عبيان على المنبر وعبر عن سعادته بزيارة حايل
وشكر شيوخ واعيان وابناء قبيلة شمر على حفاوتهم وقال :
حب قبيلة شمر لم يأت من فراغ
بل جاء نتيجة لما تتميز به تلك القبيلة الكريمة من شهامة وصدق ومواقف بطولية سجلها التاريخ
واكد ان الشعر لا يمكن ان يفي بما في الصدور من معزة وتقدير
ثم القى قصيدة بعنوان "غلا شمر" قال فيها:

لعل الوسم يمطر علـى ديـرة الوافيـن
000000واشوف البروق تلوح والقاع ممطـوره
ديارٍِ غلاها له بوسـط الضلـوع سنيـن
000000ينادي وعشب فياضهـا فاحـت زهـوره
وانا جيت اجدد حب راكان بـن حثليـن
000000لاهل سربةٍ بالخيل والطيـب مشهـوره
سرى يطوي فجوج الخلا والعرب ممسين
000000يسوقه غلا شمر وتقديـر اخـو نـوره
عسى الله يلوم اللي يلومه ليـوم الديـن
000000ما دام القلوب بحب الابطـال مفطـوره
قرينا تواريـخ العـرب والعلـوم تبيـن
000000وكم بارقٍ ليل الدجى ما حجـب نـوره
على العز يسري والحقايق تسر العيـن
000000مثل لمعة سيـوفٍ بالامجـاد مشهـوره
من فعولها ذكر الطنايـا يهـز الصيـن
000000ونهار الشدايد لا اعتزوا زعزعوا سوره
سلامي عليهم في العسر واليسر والليـن
000000اقوله وانا روحي على الوصل مسـروره



هدايا شمر


وفي نهاية الحفل توالت الهدايا التي اعتذر عنها شاعرنا
مؤكدا ان ما في الصدور ابلغ من العطايا والمال
واليكم بعض من تلك الهدايا واسماء من اهدوها:


*مزرعه في حايل من الشيخ محمد بعيجان العلي
*مزرعة نخيل ومنزل بمنطقة الحفير مقدمة من غزاي رميح السلماني الشمري
*حصان من اصطبل الامير سلطان بن محمد بن سعود الكبير+بكره مقدمه من حمدان خلف الذرفي الشمري
*سياره جيب Gxrمقدمه من الامعط عبيد العردان الشمري
*جمل حر مقدم من خرصان زامل السلماني الشمري
*خمس نياق وضح من مزايين ابل شمر مقدمه من جازي الشيشي الاسلمي الشمري
*فحل اوضح مقدم من فنخور حسن السلماني الشمري



جوله في حايل وضواحيها:
تجول عبدالله في منطقة حايل وكان يرافقه الاستاذ ممدوح سنيد الشمري مدير متوسطة وثانوية تربة حايل وكذلك عامر بن عجيم اليامي ومحمد بن عبيان اليامي