بالهم والحرمان والحزن والويـل
أظلم سماي وغاب حبل النجاتـي
اظلم سماي بواقعـن كنـه الليـل
وظاقت على افجوجه الواسعاتـي
من يوم غاب القرم ذيب الرجاجيل
عز لحياتـي لا تـردت حياتـي
مات الوفا وصدق ما فيـه تمثيـل
من ما بقلبي صار تنطـق شفاتـي
ابعد على من نجمت الجدى وسهيل
لا كن خياله عايشن وسـط ذاتـي
وشحيلتي لا صار معاد بي حيـل
الوذ في صمتي ونا فـي سكاتـي
مالي جدا ياكـود نظـم التماثيـل
دام الحزن بالوقت ظيـق جهاتـي
وسند علي بندر رفيق المشاكيـل
نيل المراجل دجلتي هـو فراتـي
وينك يابو فارس علي طول الليـل
والجرح ينزف وانت كلك غناتـي
تكفئ ترن ذقت العنـا والبهاذيـل
وهموم بقعـا حمولهـا مبهظاتـي
العين هلت فـوق خـدي هماليـل
وزادت لهب نيرانـي الوالعاتـي
من فقد عبـدالله علـى المساميـل
تجددت بفـؤادي المـر مساتـي
قالو نقسـم تركتـه والمحاصيـل
وكتمت مابي ولتزمـت السكاتـي
صار الطمع بالمال جمعن وتحصيل
والميت ينسا من نهـار المماتـي
قلت اتركوها صدقتـن بالمقابيـل
في مسجدن يبنا تقـام الصلاتـي
ملمال بكبـر همنـا يلمشـا كيـل
نبي بنفعـت راعـي الطايلاتـي
والله ولو جريت من فقـدة الويـل
معذور لو ناديـت وينـه شفاتـي
بندر" بندر ابراهيم الرشدان
عبدالله: هو المرحوم عبدالله سعود النجم الركاد
عائلة الرشدان تنعى المرحوم عبدالله النجم الركاد
قصيدة الرائد خليل الرشدان وارجو الدعاء للمرحوم بالرحمه 
العرض العادي
