..........
.
.

ياصباحٍ يسعدك ياحلى قمر =وياصباح االنور ويانور الصبااح
انت ذاك الضي بعيون البشر = والشعاع اللي غشى كوني ولاح
يوم شفتك انجلى كل القهر = وانرسم في هيئتي كل انشراح
ولك شعورٍ داخلي والله ظهر = وجا يعبرلك عن الحب المباح
ويعلن انك وسط قلبي لك مقر = شف مكانك حاجز بقلبي جناح
انت ماغيرك قوي قلبي واسر =واستحل بقوته قلبي واطاح
يوم جيت ولا حصل منك مفر = تشبه القواات وقت الأجتياح
بس فرقك ما توخيت الحذر= ولا وضعت بخطتك نوع السلاح
جيتني كنك مثل موج البحر =لا غشاه الغيم وزارته الرياح
واحتظني موجك العالي وغمر= كحتظان الطفل لا جر الصياح
ولاحظنته الأم وبعطفٍ شعر= وفي يديها عنه كل الخوف رااح
جيتني بقوتك لكن لاضرر =دام رايتك المحبه والسماح
وقتحامك ماله بنفسي اثر = كود انه ضمد بجوفي جراح
وصرت لي انت الطبيب المنتظر =ومن وصالك خذت انا مصل اللقاح
وكل عضوٍ داخلي جاك وشكر= يوم شاف الطب في وصلك متااح
وكان تسمح ودي اشعربالفخر = واتميز عند وصفك بالنجاح
انت فيك الزين ياخلي حضر = واكتسيته يالغلا كاجمل وشاح
يوم زولك لاحلي وجر النظر =ابتدى في داخلي دور الكفاح
تشبه الضبيٍ نزل من منحدر = ويتمشى في ركاده وارتيااح
وفي عيونك شفت لي شيٍ بهر = يوم رمشك عانق عيونك و طاح
في نزولة مثل صقرٍ لاأستقر =وفي نهوظه مهرةٍ تجمح جماح
ومن مشاهد رمشك القلب انشطر = كن رمشك محترف رمي الرماااح
وشدني مبسمك مع حلو الثغر =يشبه الزهرٍ بدى بالأنفتاح
والحلا بين الشفايف له ممر= كنه الشهد المصفى يوم ساااح
والخدود اللي كما خوخٍ حمر =ذقت انا منها الحلا وميَ القرااح
يعني انك بالمفيد المختصر = زاهي الأوصاف ياسيد الملاح
ويعني انك صرت لي مكمن خطر = مثل روحي مستحيل انك تزاااح