السلام عليكم ورحمة الله وبركاته
طبختنا اليوم هي عباره عن (( جمريه ))
المقادير :
1 ـ جيب شاص او جيب ربع او جيب جي اكس على شان تروح عليه للنفود
2 ـ شويت حطب ( غظى ـ ارطى ) اللي يحصل على شان تشب النار
3 ـ كبريت
4 ـ طحين
5 ـ ماء
6 ـ ملح
************************************************** ***************
الطريقه :
نضع الطحين في صحن ونضيف عليه ماء شوي شوي وملح ونبدا نسوي ملاكمه مع العجينه لين تصير عندنا عجينه قاسيه شوي اسويها على شكل دائري او اي شكل تحب مثل خبز التميز وبعدين ننتظر النار لين تصير جمر ونسحب شوي جمر من النار ونحط الجمريه عليه حتى يصبح سطح الجمريه من الجهتين شبه مستوي على شان اذا حطيتها بالمله ( المله هي الرماد الحار ) مايلصق الرماد على الجمريه وتصير نضيفه المهم ماعلينا نكمل سحبنا من المله شوي وضعنا الجمريه وندفنها بالمله ونجلس بجنب النار سوالف وتعلله لين تستوي
اذا استوت اطلعها من النار واجيب يد النجر وقطعه نضيفه من القماش واجلس اجلد فيها لين تقول العيد باكر لين تتكسر وتصير قطع صغيره
احطها بالحله حلوه الحله صارة جمرية صعيدي اجيب سمن بري احطه عليها وبصل
وبعدين اعجنها مع بعض لين تصير لينه واقدمها بصحن وبالهناء والعاااااااافيه
وشكرا
سلطـــــــــ حائل ــــــــــان
جمريه بالنفود لاتفوووتك 
العرض العادي
