على وقت الموادع لوم من طلاب سهما دوم = وحنا بالكفاءة بنتفرق يامخاويني
طلبتك لو تفرقنا ورحت لغرب يازيزوم = طلبتك لاتقاطعني وأنا آصل من يجافيني
هنا نننهل من حشود الرجال الطيبين علوم = هنا مامالت إيدينك لفعل السوء ولايديني
هنا فاح القصيد بريح مسك ورشرشة يشموم = هنا حنا تخاوينا مع زحولن شريفيني
وجاء وقت الموادع ياصناديد الوغا ياقروم = ولكن الوجيه الطيبة مستوطنه عيني
هنا حنا جهلنا في سلوم وعلومنا سلوم = أجاويدن صناديدن حلاحيلن نقيني
تحت تصريف أبو طارق إلا جا من غلاه نقوم = وإبن فايد عريب المنسب سلاسلة عريبيني
إدارتنا لها التقدير عن سفل الهروج تشوم = منرالها سنود وقدرها ماهو ببيتيني
يابو مهدي يابو خالد أنا في حبهم ملزوم = وأنا مع كل رجلن طيبن بالعسر والليني
وأنا في ليلة وداع الرجال أعاف لذ النوم = أخاف أخسر معارف تزهر أيامي مع سنيني
أعوم الطرق وأنا فالطروق أجيد فن العوم = لجل خاطر رجالن مابهم لـ لله ردييني
أحن لشوفة أطلالي ولا أصبر عن بعاده يوم = عسا رب العباد برحمته دايم يقديني
خليلي لو تفارقنا ورحت لغرب يازيزوم = طلبتك لاتقاطعني وأنا آصل من يجافيني