قصيـــــــــدة الابراج
الدلو والميـزان والقـوس والحـوت=ماغير برج العـاج تغـري وصوفـه
وبرج بقلبـي بـرج لولـو وياقـوت=لا يـا بعـد بـرج الحمـام ورفوفـه
ما يسكنه غيرك من السيـف للكـوت=لو ينتحي راس الولـد عـن كتوفـه
علـم وكيـد بالمواثـيـق مثـبـوت=ما هـو عـذر اللـي يفـرك كفوفـه
والله لا سافر لك لـو ارجـع بتابـوت=وانا من اللي ما ربـوا فـي مروفـه
على الشقا لاع الهـوى كـل شفلـوت=وانتـي تلوعيـن الحشـا بالطروفـه
والوقـت للجاحـظ والايـام هـاروت=والقلب حاتم وانتـي اغلـى ضيوفـه
يا مرحبا ترحيبـة عقـاب يـا نـوت=والحـي يلحـق لـو تحـده ظروفـه
صوتك يكفيني عن الشـرب والقـوت=وشوفـك غناتـي والحيـاه مخلوفـه
يااقوى من اللوعات واسخف من التوت=وابلغ مـن البيـت الاخيـر وحروفـه
رجـل تنادينـه ولا يسمـع الصـوت=خسـارة سمعـه وصوتـه وشـوفـه
ورجل يضمك بيـن اياديـه ويمـوت=والله مـا يلحـق حياتـه حسـوفـه
قصيدة الأبراج .. للشاعر الكبير ضيدان بن قضعان 
العرض العادي
