مساء الخير للجميع بصراحه اليوم بكتب بعض مشاعر تخصني بطريقتي
باسلوبي المعتاد المتواضع وارجو انها تنال ولو جزاء يسير من استحسانكم
ياعم ذكرتني باأبوي رحمة الله عليه
ذكرياتي معه مثل الحلم اللي دوبي أوعيه
أتذكر أنه كان يحبني موت وأنا اموت بغلاه
أتذكر أنه كان يقول أدللي أبنيتي وش اللي أنتي تبيه
أتذكر اني كنت أقول ابي لعبة محمد أخوي بالنكد فيه
لاجل مأموت محمد بالغيض مني واقهره واتحداه
أتذكر أني كنت أقول لاأبوي أحملني فوق أبي اطير .....
واصل شبك دارنا واتمسك بيه ...
كان يضمني حيل لصدره بحنان ويرفعني فوق بكفوفه ويرد ويمسكني بيديه
واتذكر انه لما كان يصلي يجلسني يمه ويقول سوين مثلي وقولين بسم الله
أتذكر اني كنت اتشاقي لما أشوفه يدش البيت ..........
لاجل مالفت انتباه يمي ولا أخليه يشوف محمد اخوي وبلاويه ..
أتذكر أنه كان يجلس مع اخواني وأخواتي وأمي وانا متعلقه فيه
كنت اظن نفسي انا الاميره ..........
كنت أجلس بحضنه أتمسك ببشته وتغطى بيه ..
كنت أسمع كل كلمه يقول وأنا مافهم من كلامه ولا شيء
بس أنا شايفه نفسي كل شي لاني بحضن ابوي وغلاه
وحاسه أنه ماحد يقدريصل غلاه عندي ولا يطوله ولايتعداه
وأتذكر ذاك اليوم لما مرض حسيت أنهم بياخذون مني شي غالي وماابي اعطيهم اياه
ويوم مات ذاك يوم مانساه ..................
كنت أقول في نفسي هم أكيد بيردون لنا أياه ..
كنت العب .... وأناظر يمهم ليه هم ياخذون ابوي وش يبون فيه
وارد اسئل بحيرة ذا ابوي أنا ....... وش يبون فيه ............
تتوقعون بكيت لا واصلت لعب مع أخوي محمد وأنا اناظر يمهم وين بيروحون بيه
كنت أشوف أمي واخوتي يبكون وكنت أسئل محمد هم ليش يبكون وش فيه
ماعرفت أنه الفراق اللي مافيه رجعه ...
ماعرفت أنه الموت ............... المقدر
ولما كبرت عرفت كل شي حولي وتمنيت لو ..............
يرجع الزمان وأرجع بنت أصغيره مثل ماكنت ..........
كنت قبلت أبوي بين عينيه وضميته لصدري حيل وبكيت ..
لين أموت وياه..........
أنا ومحمد.............. 
العرض العادي
