قالوا علامـك ياولـد حيـل مغـرور .؟
ما من مناصـب والدراهـم زوالـي ..!
قلت : اسمحولي والكبر فيـه معـذور .!!
ما همنّـي منصـب ولا مـا طرالـي ..
تدري وش اللي يجعلـن دوم مغـرور .؟
من راس شمـر ، والخوالـد خوالـي ..
ولي مجلس(ن) دايم من الناس معمور ..
وخوة قـروم الرجـال غايـة منالـي ..
أبوي شيخ(ن) صار بالطيـب دكتـور ..
مفتـوح بابـه مـن قديـم الليـالـي ..
قدره كبير ومـا يجـي منّـه قصـور ..
وعند العرب غالي وهـو راس مالـي ..
عيبه يحب الطيب وهو فيـه ماسـور ..
ويشرب من المـي القـراح الزلالـي ..
يا الله يا رحمـن يـا منـزّل الطـور ..
حقق طموحـي يـا عظيـم الجلالـي ..
حتى الغلا في خافقي صـار محفـور ..
واحترت انا ما بين عمـي وخالـي ..!!
أقرب رفايق خبثهـم صـار منشـور ..
وضاعت علومي بين غالـي وغالـي .!!
ما يهمني كشخة ، ولا زينـة الـدور ..
يهمنـي دينـي وقـرشـن حـلالـي ..
مجبور اطيع الوقت يا خـوي مجبـور ..
وهرج القفـا والله مـا عـاب حالـي ..
الليّل لا طـوّل يجـي عقبـه النـور ..
والحـال لا ضاقـت وراهـا انحلالـي ..
من يطلب حقوقـه غـدا كنّـه الثـور ..
وعند الجماعة صـار عنـده هبالـي ..
من صار طيّب اطمعوبه علـى الفـور ..
ويضيـع حقـه مـا يلاقـي رجالـي ..
ألعب على القيفان وبالشعـر مبهـور ..
وأكتب قصيدي كل مـا طـاب فالـي ..
بعض البشر يا خوي ما يساوي ظفور ..
واليوم اشوفه صار صاحـب معالـي .!!
هذا زمن ما يعـرف الحـق والـزور ..
متخالطـن فيـه الـمـراره بحـالـي ..
مار الصقر ياخوي ما يسكـن جحـور ..
وعمر القرم ما هـاب روس الطوالـي ..
( من باعني بعته ) ترى شي مخبـور ..
(ومن غاب عن عيني سلا عنْه بالـي) ..
لكن وربي لأجـزي الجـور بالجـور ..
ما هـو لـزوم اصيـر دايـم مثالـي ..
ومن يجهل القيفان ويقـول مكسـور .!!
فأنا طبيعي بضحـك بصـوت عالـي .!
أحسن دوا لا شفت بالأرض صرصـور ..
تاطـا عليـه وتتركـه ولا تبـالـي ..
شفت الغبن والجور من بضعة شهـور ..
واسكـت وأعديّـهـا وأسج بخيالي ..
لكن تبلا ، واصبـح اليـوم مدحـور ..
وأقـدّر الـرجـال دامــه عنـالـي ..
على الوعر والنايفه عشـت مفطـور ..
مانـي مـن اللـي ضاريـن للدلالـي ..
عند الكرامة مـا بهـا أيـة صبـور ..
لا وصلـت العـزة نهـدْ الجبـالـي ..
واذا مثل عاصم تبي تصيـر مشهـور ..
بدري عليك تـدوس خضـر المفالـي ..
من قبل تاصـل لازم تصـف طابـور ..
لا تحسـب ان المجـد لعبـة عيالـي ..
أعرف قدر نفسي ، وشعري ، ومسرور ..
ويكفينـي ان الذيـب ثـار وعوالـي ..
وكبش الحقد عندي من العام منحـور ..
ولا ألتفـت للقيـل وكثـر الأقوالـي ..
ماشي وواثق مثل بنـدر بـن سـرور ..
وما يهمني لو أصبـح البيـت خالـي ..
الزرع ما ينبـت بـلا حـب وبـذور ..
وما ياتي المطلـوب بكثـر السؤالـي ..
وفي ذمتي ما انام لـو يـوم مقهـور ..
مـادام شمـر والخوالـد فـدالـي .؟!!


(( منقوووول ولايحضرني اسم الشاعر))

نقل رااااائع وقصيدة جميله



سرااااااب تحيااااااتي لك

قصيده حلوه



تحياتي لك

نقل رائــع ..... والله يعطيك العافيـة .......