سر ياقلم مالي على الصبـر طاقـه=صبر تعـدى الحـد ماعـاد ينطـاق
اكتـب لمثلـي قصتـه واشتيـاقـه=في خطك الواضح على بيض الاوراق
قصة حزيـن صافـي المـر ذاقـه=اليا ذكر ماصار لـه خاطـره ضـاق
باقو به الاصحـاب والوقـت باقـه=واصبح ضحيه مابين بايـق وبـواق
يمشي وهو ماحس في كسـر ساقـه=امسي على ساقين واصبح على ساق
وهذي سوات الوقت شين اصطفاقـه=الوقـت لـو يصفيلـك ايـام دراق
ان شان قطـع معـك كـل العلاقـه=وان زان خلالك مع النـاس عشـاق
ومن شان معه الوقـت قلـو رفاقـه=وراحت حياتـه كلهـا هـم واقـلاق
والله خلـق خلـق تحـب اللبـاقـه=كما خلق له خلق ماعندهـا اخـلاق
احدن يعيش بخيـر واحـد بنفاقـه=واحدن يعيـق ايـام وايـام ينعـاق
واحدن معه حكمه وصبـر ورواقـه=سبحـان منهـو للمخاليـق خـلاق
لاكـن يامـن معـك عقـل ولباقـه=ابنصحـك كانـك للامثـال تشتـاق
لاتنخـدع باهـل العلـوم الرقـاقـه=اللـي سوالفهـم توهـق تـوهـاق
صـادق رجـال يعرفـون الصداقـه=يقفون صفك يوم يبسـات الاريـاق
ومن رغب في فرقاك ارغب فراقـه=جاز اللذي يجزيـك بفراق..بفـراق
وتعلـم التعشيـق قبـل السـواقـه=لاتحسب انـك بالدرقسـون سـواق
ورزقك يجيك بدون تحضـر بطاقـه=عنـد الله المعبـود تقسيـم الارزاق
يقوله اللـي جايـر الوقـت عاقـه=ولازال فـي غيبوبـة الهـم مافـاق
ابوطـــــــــــــــــــــــــــلال
سر ياقلم مالي على الصبـر 
العرض العادي
