هذهـ قصيدهـ رائعه


لللمبدع متعب الروقي

اتركم مع القصديه




نايم وانا صاحي وغافل كني اللي ما دريت
وحققت حلم ٍ ما يحققه الهجوس اللي بغاه

ياخي تراني من زمان المح اني ما اكنويت
وانا لك الله منكوي والكي قلي وش وراه

هي سالفه عدّت وانا عدّيت معها كل بيت
وخليتها تضرب على الغافل مثل ضرب الصفاه

يعني بعدّيها و أخليّها وكَني ما رايت
حلم الحقيقه في عيون الحق في وسط النواه

وانا تراني شاعر ٍ وافي ولامني وفيت
تقدم الشعر الجزل بالشكر لاني من عطاه

أعطيته حروف السمو واشبعته الحب المميت
وأكرمته إكرام الرجل في كل أحوال الحياه

والشعر ا له قيمه واله معنى واله فالوقت صيت
وانا بعقلي آزنه وارفع لك الله مستواه

وانته عزيز وغرتك دنياك وانته ما انمحيت
من ذاكرة كل الحروف اللي تلوح في سماه

وانا تراني في حياتي كلها ما قد غويت
الا رفيق ٍ ما عرفنا وين وجهه من قفاه

أغواه واكره شوفته وانساه والله ما حييت
حتى ولو انه قريب ٍ لي فانا عنه بغناه

وياصاحبي البارحه بعدك تراني ما سريت
جلست احسب في حساباتي وانا قلبي طواه

طي المحاله همي اللي فيه له ميناء وبيت
ولقيت مالي حل غير اني اوااصل فالصلاه

وأدعي الاهي واتمكن من رضا ربي وابيت
واستغفره واتوب اله وادعيه لا يوقف عطاه

وانا تراني صاحي ونايم وكني ما قريت
واستهبل احيانا ً واذا كلمتني ماقول هاه




تحياتي وتقدير