جيت المكـــــان

قـائـمـة الأوسـمـة · 02-Jan-2008, 11:05 PM

اليكم هذه المتواضعه ارجوا ان تروق لأذواقكم :

جيت المكان وقلت لبيه لبيه=يااشرف مكانٍ بعد مكه وطيبه
جيت اذكر الماضي على كل مافيه=مره وحلوه والمكان وقليبه
حزة ضحى مامن من الناس واعيه=مع هبة الشرقي وشمسٍ رهيبه
واستلهم الخاطر خيالٍ يراعيه=يبدي له همومه ويشفي عطيبه
ومن بعدها ياسعود بينت خافيه=اشياء تلاطم بين دمع وسريبه
شعرٍ يوضح حالتي يوم انا ابنيه=حالة غريبٍ تاه ماحدٍ يجيبه
في هالمكان الود ماني بناسيه=لوالصحيب الصدق ينسى صحيبه
ياهو مكان يورد القلب طاريه=ويروح هم النفس لابو صليبه
شتان بين الوقت والوقت خافيه=وقتٍ به الطيّب فعوله تعيبه
وقتٍ غدينا به عجاج بسوافيه=وسط النفود وفي ضروفٍ صعيبه
هذا مثل والناس ماتقضب الفيه=في سوق والشاري عليه الضريبه
(الجرح ينخى ياعرب من يداويه=ليته عطيب الجرح يلقى طبيبه)

تقبلوا حبـــــــــــــي وتقديري "نايــــف الناهي"

التوقيع :

قـائـمـة الأوسـمـة · 03-Jan-2008, 12:26 AM

شاعرنا نايف الناهي

عزفت لنا بهذه المقطوعه
سمفونية الأماكن ورحلت بنا
إليها بكل مافيها من ذكريات
لتبقى الأماكن غاليه بذكراها
وإن رحل أهلها
صح لسانك وعلا شانك
قصيده رائعه تستحق الإشاده
دمت ودام وجودك

قـائـمـة الأوسـمـة · 03-Jan-2008, 01:39 AM

وقتٍ غدينا به عجـاج بسوافيـه ... وسط النفود وفي ضروفٍ صعيبـه

عزالله مازليت

نايف صح لسانك مليون

قـائـمـة الأوسـمـة · 03-Jan-2008, 01:56 AM

العليا : يامرحبا فيك واشكركي على مرورك الكريم

قـائـمـة الأوسـمـة · 03-Jan-2008, 01:58 AM

زياد الضويلي : اتشرف بشاعرٍ بمكانتك يشيد ببيت من قصيدي ...

دمت بكل خير وعافيه ,,,,,,,,

قـائـمـة الأوسـمـة · 03-Jan-2008, 02:07 AM

(الجرح ينخى ياعرب من يداويـه.................ليته عطيب الجرح يلقـى طبيبـه)

سلامة قلبك من الجروح وصح لساااانك مليووون

كتبت فااابدعت مبدع دائماً كعادتك

دمت بخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع
العرض العادي الانتقال إلى العرض المتطور الانتقال إلى العرض الشجري