صب الهوى لمعذب القلب صبه
فنجال حب من لذيذ المشاريب

***

فنجال حب كل قلب شرب به
طيب يحدث في فناجيله الطيب

***

اشقر حمر قلب المعنى يحبه
كنه خضاب في كفوف الرعابيب

***

اجمع حطبك ونار الاشواق شبه
بين الضلوع إرك الدلال المحاديب

***

دام المشاعر كلها مستتبه
والليل توه ماغزى راسه الشيب

***

خل الشمال بكل ضلع مهبه
يصفق هبوبه فوق روس المراقيب

***

فنجال دافي صار للصدر جبه
كني لبسته من سموم اللواهيب

***

هذا وقلبي في يمينه لعب به
انشد كفوفه عن جروح معاطيب

***

ان قلت شاله فوق أثره يذبه
لاله مشاريق ولاله مغاريب

***

يحق له حب لقى ماتعب به
من دون راس المال جت له مكاسيب

***

دامه بقلبي من يجيه ويطبه
هو ضيف دايم والمشاعر معازيب

***

صب الهوى لمعذب القلب صبه
فنجال حب من لذيذ المشاريب

*
*
*
منقوووول
بصرااااحه عاجبتني حييييييل
وارجو ان تنال استحسانكم وذائقتكم الشعريه وهي للشاعر الكبير/ عبدالعزيز السناني

اشقر حمر قلب المعنى يحبه
كنه خضاب في كفوف الرعابيب

وصف دقيق للقهوة العربية ..

صح لسان شاعرها ويعطيك الف عافية على النقل

هلاااااا اخوي عايد
حيااااك الله ويسلموووووو
على المرور الكريم
دمت بخير

مشكور والله يعطيك العافيه

هلاااا اخي ابو مشاعل
الف شكر لجمال مرورك المعطر هنا
اسعدني تواجدك اخي
دمت بخير

دامه بقلبي من يجيه ويطبه
هو ضيف دايم والمشاعر معازيب

أشكرك اختي على النقل الرائع

أجــراس الخــطر