O?°· ( منتدى حائل للشعر والقوافي ) ·°?Oيختص بالشعر و الشعراء ومنها القصائد الشعبية والقصائد النبطية ،الفصحى، المحاورة التي من نظم شعراء حائل نت كما يوجد قسم للشعر المنقول
واجد وانا اقول إن ما بالناس حسد إلا قليل=بياضي أكثر من عطى الفرصة لتحديد السواد
حبيبتي والنبح ماغيّر مسارات الصهيل= لأن لي مكانة الراكب على ظهر الجواد
ياسيدة فكري تعالي مابقى بالحيل.. حيل=مواقفك حلوة ولكنّك تحبين العناد
وأنا أسير عيونك الثنتين والطرف الكحيل=وإن ماغرقتك جلت في بحرك دروب السندباد
تخطفني أمواج التعب وأمرح على أطراف الجديل=وأروح بأنفاسك إليا مرت مثل سرب الجراد
سوالفك يازانت الجلسة مثل تمر النخيل=تتساقط أحلاها على أحلاها مثل وقت الجداد
وأضيع وألقاني معك موجود لكن الدليل=يستنهض همومي على فرقاك من باب السهاد
وأستجمع أفكاري واصب الشعر عن فرقاك هيل=وأسوق لارضا ذائقة شعرك من المعنى قناد
كلّه ولاتفرح بي الحساد يا قب الفتيل=ناسٍ تباشر كل ماقربت صبعي للزناد
المشكله حياتهم ( حشف ) ومعها سوء ( كيل )=مافيهم اللي طاوع الشيطان فيني واستفاد
أسقيتهم تقديري الخالص بطعم الزنجبيل=وأسقوني الخذلان والأخلاق يذبحها الفساد
ياوقت أنا ممنون لك جدا ً مع الشكر الجزيل=والليلة اللي تسهر عيوني مهي ليلة حداد
أسقط على فكري ( إضاءة من إضاءات الدخيل )=وأقبّل كفوف الكلام العذب في ( زاد المعاد )
والخطوة الأولى بداية لإنطلاقة ألف ميل=يارب وفقني بكل خطاي لدروب الرشاد
ويالله تقدرني على الخوة وتقدير الزميل=وإنك تجملني مع ضيوفي وبالراي السداد
والجار وابن العم حقه غير حتى لو يعيل=حاول تفاهم معه لو يخطي ولكن بانفراد
والنعم عند الطيبين أستر من الثوب الجميل=الطيبين اللي مزارق طيبهم علم ٍ وكاد
خلك عن اللي ياتحرك قال حنا قبل جيل=والناس من مبطي تقول النار مارثها الرماد
يتعب ولا يثني لسانه من غسيل إلى غسيل=لو تنفض شراعه تطيح الناس من جوفه مداد
في ذمته مليون غافل ما امرحوا والوقت ليل=وفي ذمتي مايقلطون القلب شرذمة سراد
وافخر بشعري واتفاخر وامدح الوجه الطويل=واسرج لجزلات المعاني من بحر فكري جياد
ومادام ( حايل ) في يدين ( سعود ).. ماتبغى بديل= الله وهبها حكمته والفضل من رب العباد
ياسيدي يافزعة المضهود يازبن الدخيل=ياذخر من صكات بقعاء نسته حلو الرقاد
يافزعة المحتاج والملهوف وأبناء السبيل=يامدهل اللي عن لهيب الشمس يطمع بالبراد
يا أكبر من الفكرة براسي / ياحدود المستحيل=يامنزل المليون ياصدّت منازيل الآحاد
يالفارس اللي في يمينه مقبض السيف الصقيل=يالنادر اللي يسلب الأنظار في وقت الهداد
يا أعدل من الميزان / ياوزن العدل عن كل ميل=يا أكرم وأبرّ من السحاب اللي تلقّفه البلاد
يا أمير عندي بيت فهمه صعب والمقصد نبيل=والبيت بالذمة ولكن صعب يحتاج اجتهاد
( الشيخ في وجهي وأنا وجهي ورى شمس الأصيل=وإن ماحيابك مات ظلم / إن كان مامات اضطهاد) !!
البارحة فيصل.. يابو فيصل يقول : إني بخيل=وأنا إليا عنكبّي التفكير همت بكل واد
شحيح لكن مايجي بيتي وأنا ( صالح ).. هزيل=والحمدلله أكبر النقّاد في شعري أشاد
وأنا ورب البيت مادحلست من تحت الشليل=ولا طلبت المجد بالشهره لتكبير الوساد
وأنا يكفيني من الجمهور واليوم الفضيل=يوم ٍ يفضلني به الجمهور والدنيا جهاد
وبيتٍ يعانق ياسمو المجد تاريخك كفيل=بإنه يخلّد شاعرٍ ممتاز في كل المواد
سجلت القصيده خصيصاً لشبكة الشعر وذلك احتراماً للحقوق عند نقلها
صالح السهلي وقصيدته في امير حائل صوتيه 
العرض العادي
