هوالشريف بركات بن عبدالمطلب .من اشراف مكة وهومن شعراء القرن العاشر واوائل القرن الحادي عشر وهذه قصيدته المشهورة بوصيتة لإبنه مالك
يا الله ياللّي كل الأمـات ترجيـك=ياواحـد ٍ ماخـاب حّـي ٍ ترجـاك
يارب عبد ٍ مامشى في معاصيـك=ولايمشي إلا في محبتك ورضـاك
يامرقب ٍ بالصبـح ظليـت باديـك=ماواحـد ٍقبلـي خبرتـه تعـلاك
ولّيت ياذا الدهر ماكثـر بلاويـك=الله يزودنا السلامـة مـن اتـلاك
ياللي على العربان عمت شكاويك=ولّيت يادهـر الشقـا ولّ مقـواك
واليوم ها لكانون غـاد ٍ شبابيـك=تلعب به الارياح من كـل شبـاك
يامالك اسمع جابتي يوم اوصيـك=واعرف ترى يابوك بآمرك وانهاك
وصية من والـد ٍ طامـع ٍ فيـك=تسبق على الساقه لسانه العليـاك
أوصيك بالتقوى عسى الله يهديـك=لها وتدركهـا بتوفيـق مـولا ك
الله برب أجـدادك الغـرّ يعطيـك=مرضاته مع ماتمنى مـن إمنـاك
إحفظ دبشك اللّي عن الناس مغنيك=اللّي ليا بان الخلـل فيـك يرفـاك
وإعرف ترى مكه ولاها بناخيـك=لو تشحذه خمسة ملا ليم معطـاك
إجعل دروب المرجله من معانيـك=وإحذر تميّل عن درجهـا بمرقـاك
لا تنسدح عنها وتبغانـي اعطيـك=جميـع مايكفيـك ماحاصـل ٍ ذاك
أدب ولدك إن كان تبغـاه يشفيـك=لو ضاقت إمـه لا تخليـه يـالاك
إما سمج واستسمجك عند شانيـك=ويفر من فعله صديقك وشـرواك
والا بعد جهله تـرا هـو بياذيـك=لو زعلت امـه لاتخليـه يـا لا ك
وإحذر تضّيع كل من هو ذخر فيك=معروف لاتنساه واوفـه بعرفـاك
ترى الصنايع بين الاجواد تشريـك=إليا طمعـت بغرسهـا لا تعـداك
وإحذر سرور بغبة البحر يرميـك=ولا عنده افلس من تشكّيك وبكـاك
وأوف الرجال حقوقها قبل تاتيـك=لا توفيه بالهـرج فالحـق يقفـاك
وهرج النميمه والقفا لا يجي فيـك=وأياك عرض الغافل أيـاي وإيـاك
تبدي حديث ٍ للمـلا فيـه تشكيـك=وتهيم عند الناس بالكذب واشـراك
واليا نويت إحـذر تعلـم بطاريـك=كم واحد ٍ تبغى منه عرف وأغواك
وأحذر شماتت صاحب ٍ لك مصافيك=وليا جرالك جـاري ٍ قـال لـولاك
و لا تحسب ٍ ان الله قطوع ٍ يخليك=و لا تفرح إن الله على الناس بداك
الضيف قدم له هلا حيـن يلفيـك=وممّا تطوله يافتى الجـود يمنـاك
إحذر تلقي الضيف مقرن علابيـك=خله محب ٍ لك صديق ٍ ليـا جـاك
ووصيك زلا ت الرفيق ان عثا فيك=مازال يغّطاها الشعر فا حتمل ذاك
راعه ولو ما شفت إنـه مراعيـك=عساك تكسر نيته عـن معـاداك
وإحذر عدوك لو ظهر لك مصافيك=خلك نبيه وراقبـه ويـن ماجـاك
لا تامنه واطلب مـن الله ينجيـك=ويكفيك ربـك شـر ذو لا وذولاك
شفني انا يا بوك بآ مرك وانهيـك=عن التعرض بين الاثنين حـذراك
إذا حضرت اطلابة ٍٍ بـه شرابيـك=اسع لهم بالصلح والـلاش يفـداك
ابذل لهم بالطيـب ربـك ينجيـك=ولا تجضع الميزان مع ذا ولا ذاك
أما الشهاده فادها إن دعـوا فيـك=بيّن عمود الدين لا عميت أريـاك
بالك تماشي واحـد ٍ لـك يرديـك=طالع بني جنسك وفكـر بممشـاك
رافق أصيل ٍ في زمانـك يشاكيـك=لاشاف خلا تك عن الناس غطّـاك
وحذراك عن طرد المقفي حذاريـك=عليك بالمقبل واترك اللّـي تعـداك
ثم إلعن الشيطان حـذراك يغويـك=تـرى ان تبعتـه لشرابيـك وداك
وأوصيك لا تشكي علينـا بلاويـك=انت السبب اطرفت عينك بيمنـاك
وإعرف ترى اللّي واطا الفعرواطيك=ولاأنته أعزمن الجماعه هـذولاك
ألمسك ياراسي من الذل وأخطيـك=وأحذر تكلـم يالسانـي وحـذراك
وألطف بجارك قوم من دون عانيك=وافطن لما يعنيك عن ربعة اخواك
ياذيب وإن جتك الغنم في مفاليـك=فا كمن لها ياذيـب لامـا تعـداك
فيما مضى ياذيب تفـرس بياديـك=واليوم جاء ذيب عن الفرس عداك
ياذيب عاهدني وعاهدك مارميـك=مرميك أنا ياذيب لو زان مرمـاك
والنفس خا لف رايها قبل ترميـك=ترى لها الشيطان يرمي با لاهلاك
ومن بعد ذا لاتصاحب النذل يعديـك=عن صحبة الانذال يابوك حـذراك
والهقوة انك ماتجي دون أهاليـك=ولا ظن عود الورد يثمـر بتمبـاك
والحر مثلك يستحي يصحب الديـك=وإن صا حبه عاعا مععات الادياك
لا تستمع قول الطرف يوم يلقيـك=بالكذب يقضي حاجته كل ماجـاك
من نّم لك نّم بك ولا فيه تشكيـك=وأليـاه قـد زرى رفيقـك وزراك
عندك حكا فينا وعندي حكـا فيـك=وأصبحت كارهنا وحنـا كرهنـاك
ماخطاك ماصابك ولو كان راميـك=واللّي مصيبك لو تتقيـت مخطـاك
مير استمع مني عسى الله يهديـك=النصح يا ما لك لـك الله مـولاك
عندي مظنـه مـا تمثلتهـا فيـك=واطلب لك التوفيق من عند مولاك
وصية بركات الشريف لإبنه 
العرض العادي
