

انطلقت مساء يوم السبت أولى فعاليات الشعر لمهرجان عيد الفطر بمنطقة حائل (عيدنا شيء ) بمركز الأمير سلطان الحضاري وسط حضور متوسط الذي تنظمه ديوانيه روائع الشعر التي أحياها كل من الشاعر عمار السويدي والشاعر محمد الوبير شاعر المليون والشاعر فهد نايف .

اسماعيل السكيت
استهلت الأمسية الشعرية بترحيب عريف الأمسية اسماعيل السكيت بالحضور وبالتعريف بنجوم الأمسية والترحيب بهم ثم بدأ الشعراء بإلقاء روائع قصائدهم وسط تصفيق من الحضور

شاعر المليون محمد الوبير
بعض قصائد شاعر المليون محمد الوبير اخترنا منها
اتصعلك بين احياء الكابه = واتحرى يوغل بدربك مساري
جف دربي يشحذ انفاسك سرابه = يوم بلت خطوتك ريق الصحاري
ماتسد البيض عنك بالانابه = لن حبك بس معتبره شعاري
يا صباح الجوع بعيون الحرامي = وسط حي مسلمه وابن الوزير
قبح الله صاحب المجد العصامي = ماترك شرهه على بشت الفقير
نزوة البارود ما زارت منامي = يومهم حطو على جفني خفير
وقصدية بالشهيد صدام حسين
يا سحابة وبلها حبر وفشق = أمطريني يوم دمع العين سأل
كم سؤال داخل أنفاسي شرق = ازفره واشهق بداله هالسؤال
كم بقي صدام فينا ينخلق = لجل اهدي روع بغداد النزال
كن حبل المشنقة رابطة عنق = في نحر صدام يوم العدل مال
يكفي انه ماتهزهز له شنق = يا كراسي الذل يامال الزوال
بش وجه المشنقه يندى عرق = يوم هم ساقو لها اعتى الرجال
مستحيل انا معاهم نتفق = والحرام بهالشهر اصبح حلال
طائفية حقد وغربه نعق = واحتلال الأرض ولد انحلال

الشاعر فهد النايف
بعض قصائد الشاعر فهد النايف كان مطلعها
وكل عيد يزيد حبك في حشاي = بس احس العيد هذا حيل غير
كيف وانت ماشوفك معاي = كل شي بهالزمن هذا يصير
بس فعلك ما هقيته يا هواي = ماجرى منك ترى والله كبير
ولا بعد جرب من الحب لوعات = واللي يحب ان كان قد حب من قلب
لابد ما يسمح عن الخد دمعات = اليا تذكر ما مضى والهوى هب
قام يتنهد ون حكى جر ونات = واثر المحبة يا ولد مالها طب
وش يفيدك لا تغليت وادميت الجراح = كان لك مصلوح مسموح يفداك الجسد
علني واجرح وعاتب وانا كلي سماح = البلا انك يا اسود العين مضفي الجعد
تجرح العاشق وتنساه يامال الصلاح = من يردك دامك اصغر عناقيد العدد

الشاعر عمار السويدي
بعض من قصائد الشاعر عمار السويدي قال في مطلعها
جيت انا عشق وغرام كل مالي بالحيات = الضفر فيما استحقه مالقيت الإ الغدر
جيت يمه يوم جيته وضحكت لي بالشفات = كل همي تبتسم لي والسعادة تستمر
ثم جيته مالقيته وانا ضياع في شتات = ما ستقريت في جبينه لين راحت تستقر
ماجيت أغني للوطن بأول العيد = الا أنثر إحساسي بجوفه وأضمه
وأهديله أشواقي مع الورد أناشيد = وأسجد على ترابه طهور وأشمه
ان رحت تسألني وتسأل الياجيت = وانا متذرع بالصبر ومتحلي
جيبوا لنا الطيران والسمسمية = بني نغني بالفرح سامرية
نبي الطرب والفن نبي الوناسة = نبي نشوح بسيوفنا العاذرية
هذا الوعد مكان التواصل = نبيها عرضية حائلية
وفي نهاية الحفل شكر الشعراء والمنظمون الحضور .

صورة جماعية للشعراء مع منظم الامسيات .. محمد العمودي