من عادتي لاجبتها جبتها كاااااااااااااش

--------------------------------------------------------------------------------



البارح كن الفضاء غرفة انعاش = وانا المريض الي حياته كسيفه
والهم ذيبٍ للمعاليق عراش = والقلب شيخٍ واعضم الحزن ضيفه
وغليا نشدني واحدٍ قلتله ماش = مابه جديدٍ للقديم بنضيفه
ياليتها ضيقٍ فالأرزاق واعتاش = اعتاش لو ما القى بعمري وضيفه
وليت السبب حبٍ للأطراف رعاش = كمٍ وليفٍ ماحصله وليفه
مير البلا لاشفت للدين نهاش = امن النفوس الحاقدات الضعيفه
ومن عادتي لاجبتها جبتها كاش = والي زعل يزعل على كيف كيفه
هذا جوابٍ عاجل لطاش ماطاش = يخزي وجه ناصر ويخزي وجه حليفه
مانقبل الصوره بتفكير حشاش = لأهل القلوب الطاهرات الشريفه
لاعاش من يشتم هل الدين لاعاش = ولا عاش من يشهر على الدين سيفه
ذولا هل التوحيد يالغادر الغاش = ريفك وريف الي خذا الوقت ريفه
اقلوبهم بيضا وابيض من الشاش = وافعالهم عند المعادي كليفه
ذولا رجال الدين ياكلب الأحواش = الله مكرمهم بمله حنيفه
ولا انت ضايع بايع الدين ببلاش = بصيرتك بين البصاير كفيفه
بكره ليا جتك المنيه على فراش = ومرت حياتك قدم عينك عصيفه
وحسيت في روحك تراقى مع الجاش = ودموع عينك فوق خدك ذريفه
عرفت بأنك مرتكيلك على قشاش = وانك ضلمت اهل القلوب النضيفه
في وقتها مالك من الموت منحاش = بيحاسبك راع العدل والنصيفه
ولحدن بمرمش لاتوفيت برماش = جيفه ومن يبكي من الناس جيفه؟
ان عشت ياخفاش وان مت خفاش = مايفقدك غير العقول الخفيفه
وختامها ماني بجايك برشاش = لأنا بحكم اهل السيوف الرهيفه
مير افهم الموضوع ياطاش ماطاش = واترك تفاهات اليهود السخيفه

الشاعر / نايف بن عرويل
___________________________

صح لسان شاعرهـا
قصيده جميله
وتسلم يمينك يالغالـي

صح لسان شاعرهـا
قصيده جميله
تحياتي لك

صح لسان شاعرها
وصح كيبوردك بصراحة اختيار مميز وتسلم الاصابع اللي كتبتها

ياليتها ضيقٍ فالأرزاق واعتاش = اعتاش لو ما القى بعمري وضيفه=وظيفة

عرفت بأنك مرتكيلك على قشاش = وانك ضلمت=(ظلمت) اهل القلوب النضيفه=(النظيفة)

ترا اللغة مهمه في الشعر وفيه فرق بين الظاء والضاد

اشكركم اخواني على الردود الجميله والمرور الرئع
واشكر اخوي العقال مايل على هذا التوضيح الرائع

ذيب الشمال

تسلم يمينك على التقل

قصيده جميله


صح لسان شاعرهـا