الحقيقة الأبيات له مقصد ....
في بعض الناس لا جى عند الرجال قال وان عملت وانا مدري وش سوين وانا وانا................إلخ
((يمدح روحه )) فكتبت الأبيات هذي :


ابدى بسم اللي خالق الكون رحمن
رب العباد الواحد اللي غيرة دناس
يالله عسى قولي مدح للطيب وعنوان
وعبرة لكل من يسمع قولي من الناس
الطيب ميزة للي فضايلهم ميزان
ولا الردي لو كان ولد شيخ او قرناس
ما يقاس الرجل بسلطة او بدخان
او كبرة على الغير وتونيس الناس

قالوا علامك صامت وقلـت يانـاس
كثـر الكـلام يقـل لاجلـه مقامـي
الصمت حكمه والحكي مصدر إفلاس
ولقيت في صمتـي يزيـد احترامـي
الصمت له معنى وله ذوق وإحساس
مركب نجاتك في بحـور الظلامـي
ترى الرجل صوره من الراس للساس
ثـم يتبيـن جـوهـره بالكـلامـي
إما نطق فـي كلمـة ترفـع الـرأس
تضفي على شكلـه جديـد الاسامـي
وإلا يعـود معدنـه معـدن نحـاسي
رميه سهمـه بعـد ماكـان رامـي
لا صار عندك من ثمينـات الألمـاس
خله بصدرك ليـن وقـت التمامـي
أخاف يطلعلك مـن النـاس بـلاس
وإلا سفيـه مـا يــرد السـلامـي
الله خلق خلقه علـى عـدة أجنـاس
وكلـن يسوقـه مذهبـه للأمـامـي
والله خلق بالطيـر قمـري وقرنـاس
ووقت الهدد مـا ينغـزي بالحمامـي
لا جال في صدرك من الهم هوجاس
وعينـك يحاربهـا لذيـذ المنـامـي
ونفسك عليله والفكر صار محتـاس
اترك طمان القـاع وارق السنامـي
عليـك بالعالـي ليـا هـب نسنـاس
يبري الجروح الخافيـه والعظامـي
وخلك لربعك دايـم الـدوم نبـراس
وخص القريب وخص ولد العمامـي
خلك لهم في داجـي الليـل مقبـاس
وللصاحب أصدق من حقوق الغمامي
ربعك ذراك ليا لحق راسـك البـاس
قدم لهم شربك ولـو كنـت ضامـي
وخلك لثوب الطيـب والعـز لبـاس
واتـرك دروبٍ تنتهـي بالحرامـي
وفعل الجميل وواجب الضيف نوماس
ومن لا نفع بالضيـق نفعـه عدامـي
بيت الكريم أبوابـه بـدون حـراس
وبيت البخيـل يعـد مثـل الهدامـي
كـلٍ بهـا الدنيـا نصيبـه بمقيـاس
ياخـذ نصيبـه لوجفـوه الأنـامـي

شاكر لك اخوي

واسمحلنا على الاضافة

صح لسانك اخوي،،،،،

ابيااات رائعه