تدري وش اللي يجرح القلب جرحين
ويمد حبـل الحـزن فيـك ويشـدة

إنك تناظر طفل مـن غيـر أبويـن
يمشي ودمعـة سايـل فـوق خـدة

منظر صعيب ويقسم القلـب قسميـن
لا قـام يمسـح دمعـه بكـف يـدة

يمش ولا يدري طريقة علـى ويـن
لين التعب من كثـر مـا تـاه هـدة

أثقل حـروف يشيلهـا فيـه حرفيـن
لا أب يـدريـبـة ولا أم تـــردة

في خطوته رحلـه ودمعـه وسكيـن
وحـظ توسـد بالمراسـي مـخـدة

جيت أسألـه بالله قللـي ولـد ميـن
وبغي يجاوب وختنـق صـوت ردة

أنـا يتيـم ومـا لدربـي عنـاويـن
وجزر الحزن فينـي يسـاوي لمـدة

وطعم الطفوله ما عرفته لهـا لحيـن
وثوب السعاده صـرت مانيـب قـدة

ابكي إلى من شفت غيـري سعيديـن
ليـن البكـا فينـي يوصـل لحـدة

واقفى ورحت أمسح دموعي من العين
وعيني تناظـر دمعتـه فـوق خـدة

وهذا اللي يجـرح القلـب جرحيـن
ويمد حبل الحـزن غصـب ويشـدة


منقـــــــــــــــوله

تقبلوا تحياتي .... برق الوسم .

صح لسانك ولسان قايلهاا

تسلم يمناك على النقل

صح لسانك وصح لسان قايلها


انتقاء القصائد الرائعة ميزه فيمن يتذوقون الشعر شروووواك