الى اعضاء وقراء منتديات حائل نت, السلام عليكم ورحمة الله وبركاته ...
هذه اول مشاركة لي في هذا المنتدى واتمنى التوفيق ...
شدني هذا القسم من المنتدى - المتعلق بصور حائل - فحبيت ان اقدم نصيحة لكم ,
انتم عارفين انكم ممكن تشوفون حائل او اي مدينه ثانية بالعالم من خلال الاقمار الصناعية باستخدام Google Earth وهو للي ما يعرفه برنامج رائع جدا يمكن من خلاله مشاهدة اي مكان في الكرة الارضية بالاقمار الصناعية على شكل صور ثابته ,
انا حبيت اعلمكم انه فيه خاصية انك تضيف صورة لموقع معين يعني مثلاً لو رحت لبرج الفيصلية بالرياض راح تحصل صورة - دائرة باللون الأزرق- وتشوف من خلالها برج الفيصلية على الطبيعة خلال عدسة المصور اللي حطها في ذلك الموقع بالتحديد ,,
فيه موقع اسمه panoramio [فقط الأعضاء المسجلين
و المفعلينعبر البريد يمكنهم رؤية الروابط. ]
هذا الموقع لما تشترك فيه -مجانا- ممكن تضيف صور واي واحد ممكن يطلع عليها ومعاك مساحة 2 غيغا بايت وممكن تحدد موقع "إلتقاطها" من اي مكان بالعالم من خلال هذا الموقع وهذا الموقع هو في الحقيقة تابع لشركة جوجل Google ولكن فيه عيب الا وهو اذا اضفت صورة وحددت موقع الالتقاط للصورة ممكن تقعد 5 الى 6 شهور اقل او اكثر, حيث لما تضيف صورة تدخل في الموقع ولما تحدد مكان الصورة يعطيك رقم هو ID "رقم الانتظار" بعدها تشوف كم واحد قدامك - انا اضفت صورة قبل الاجازة الصيفية وتوها تطلع بالبرنامج - ولكن ممكن تشوفها عندهم ....
الفكرة رائعة جدا ولو شفتوا اغلب المدن بالعالم راح تشوفون صور كثيرة والحقيقة انا كتبت هالموضوع لانها حزت في نفسي كيف حائل مالها صور كثيرة خاصة وان حائل جميلة جدا بالشتاء وفي موسم الأمطار .. واللي يحبون القيلات ممكن يحطون صور الأماكن اللي زاروها ويحددون موقعها مع امكانيه اضافة التعليقات على الصور
من جهة ثانية "جوجل إيرث" عندها شروط في الصور اللي تحطها في البرنامج منها ان الصورة لازم ما تكون من داخل المباني بل من الخارج-مع اني شفت صورة من الداخل- كذلك تمنع اضافة الصور اللي فيها "أشخاص" الا اذا كانت الصورة كبيرة والاشخاص شيء ثانوي وليس رئيسي ..... الخ.
كل هالمعلومات واكثر في موقعهم ... بس حبيت أنصحكم
Panoramio [فقط الأعضاء المسجلين
و المفعلينعبر البريد يمكنهم رؤية الروابط. ]
بالنهاية أشكركم للقراءة وأتمنى من المشرفين تثبيت هذا الموضوع او اذا كان فيه واحد عنده نفس الموضوع بشكل أحسن يثبتون موضوعه في قسم الصور لتعلقها بالقسم...
بالأقمار الصناعية: صوركم في Google Earth 
العرض العادي
