حبيبي طول غيابك وانا ماقدر علـى غيابـك
تعال ارجوك لاتبعد كفانـي منـك ماجانـي
تعال اشعل لي الفرحة اذا سلهمت باهدابـك
تعال احضني بقلبك وكن بلسم على احزانـي
انا ماارتحت من عقبك ولااستانست باسبابـك
ينام اللي نسى الدنيا وانـا بالليـل سهرانـي
اذا ماكلمـة احبـك تخلينـي مـن احبابـك
حرام اني لو بكيفي منحتـك كـل وجدانـي
قبلت انك تعاتبني وصـرت ارتـاح لعتابـك
لو اني مااخطي بحقك ولااوريـك حقرانـي
يجي منك الخطا دايم ولانقصـت بحسابـك
اخفي الجرح باعماقي لو اني كنت زعلانـي
عشان الحب امشيها ولايرضينـي اغضابـك
اذا خاطرك متكدر وش ابغى بعمري الفانـي
يهون العمر لعيونك وضحكٍ يزهي اعجابـك
ولاانقّص بميزانـك ولـو نقصـت ميزانـي
ولكن يابعد روحي وانا وقفـت فـي بابـك
ولا يخفاك لو بعدك يشـب القلـب نيرانـي
وش الطاري عسى ماجاك علم قصده اخرابك
ترى من طاوع العاذل قليل الكسب خسراني
وعسى ماتشكي اوجاع خفيه فيك تنحى بـك
كفاك الله من العله وعيـن الحاسـد الشانـي
همومي مصدر همومك واذا كان الالم صابك
ابيك تصدق علومـي لاقلـت انـه تغشانـي
حبيبي يابعد روحي ترى قلبـي تبلـوى بـك
لعلك مانت ناويهـا ولامقصـدك هجرانـي
حياتي مابها شـي يعوضنـي عـن اطيابـك
اذا شفتك نسيت اسمي وعشت بسحر اغراني
حبيبي عجل بـردك ولاتحرمنـي خطابـك
انا مشتاق لحـرف يجينـي منـك شفقانـي
معاك الوقت يجري ولاادري تهت برحابـك
وبدونك ساعة وحده تمـر بهـم واشجانـي
ابا اصبر بس انا ماقدر حبيبي طول غيابـك
تعال ارجوك لاتبعد كفانـي منـك ماجانـي