الله واكبر كل مامر من يوم.....
زادت صواديف الدهر بالتطامه
اسامر اللحظات واساير اللوم.....
واجمع شتات العمر واكسر سهامه
دربي متاهات وأمانيي حلوم.....
وليلي بلا قمرا وصبحي عتامه
ليا مسكت الدرب تطري لي علوم.....
وأرجع واقول الله يجيب السلامه
واعكس دربي وارفع السعر وآسوم.....
واشري حنين العمر واشري هيامه
ولحظه واوقف واقطع الدرب وآشوم.....
واحمل ذنوبي لمس الكرامه
واصد عن زول ماهو يجرح الصوم.....
اللي على شاني يطوح لثامه
واقول صدي مالنا فيك ملزوم.....
ياعكس شكلك بالرضا والوسامه
انا على ماقيل معطى ومحروم.....
الله وهبني ياك وهبة ندامه
ماشفتي اللي صار يوم ادرج الحوم.....
ادورك وينك عسى لك علامه
دخلت لي غار معشش به البوم.....
ولقيت لي عود جلال عظامه
قام ونشدني وين سالم وسلوم.....
قلت العوض صارت منيره وشامه
ونشد عن رجال طحاطيح وقروم.....
ونشد عن اهل العرف واهل الشهامه
وقلت الرجال اللي تبي جتهم القوم.....
غزوهم وكلن تحقق مرامه
من عقب ماهم واردينٍ لزيزوم.....
أنحت ركايبهم لفاتن حمامه
والنادر اللي سار بالهزل محكوم.....
يعطي حقوق المرجله لأم شامه
وتغشت الاشناب من قيل مرحوم.....
وتنصب السيد وقائم مقامه
والعود صار يقوم ويطيح ويقوم.....
ويقول لي علم وينقض كلامه
قال انت ضايع قلت عاشق ومغروم.....
واللي عشقته قالت البس عمامه
واطلع من الاعراب والفرس والروم....
وأقم حضارة من يزول إنعدامه
واجمع جميع اللي عن الوقت مرسوم.....
واحرق خرايط مامضى وانصرامه
قال انت مالك في هنا الوقت مقسوم....
في مفترق طرق و تجيد الغشامه
ريَح ترى للهم في وجهك وسوم....
والنور يضوي لاغشته الظلامه
شفتي وش اللي صار لي عقب هالحوم....
ادورك وينك عسى لك علامه
ماقلت لك ياميَ معطاك محروم....
وانك وهيبه بس وهبة ندامه
رائعه من روائع الشاعر فواز بن عسم الاســــــــــــــــلمي